25_0816 Hiru gazte atxilotu dituzte Ortuellan, eraikitzen ari diren eraikin batean lapurreta egiteagatik
Hiru gazte atxilotu dituzte Ortuellan, eraikitzen ari diren eraikin batean lapurreta egiteagatik
Servicio de prensa
2025-12-01
Ertzaintzak 23, 24 eta 27 urteko hiru gizon atxilotu ditu Ortuellan, obra batetik materiala lapurtzen eta furgoneta batean pilatzen harrapatu ondoren.
Atzo, igandea, 22:17an gertatu zen Ortuellan eraikitzen ari diren eraikin batean. Dei baten bidez jakinarazi zioten Ertzaintzari gizon batzuk obra bateko materiala furgoneta batean sartzen ari zirela.
Bertaratu ziren baliabideek hiru gizon identifikatu zituzten altzairu korrugatuzko barraz betetako furgoneta baten ondoan. Agenteek eraikitzen ari diren eraikina ikuskatu zuten, eta egiaztatu zuten inplikatuek obrako hesi bat ireki zutela eta barrutik lapurtutako altzairua furgonetan sartu zutela.
Egitate horien aurrean, espainiar nazionalitateko 23, 24 eta 27 urteko hiru gazteak, gauzetan indarra erabiliz lapurreta egitea leporatuta atxilotu eta polizia-egoitzara eraman zituzten.
Beharrezko eginbideak amaitu ondoren, agintari judizialaren eskuetan jarriko dituzte.