25_0824 Gizon bat atxilotu dute Markina-Xemeinen droga-trafikoagatik
Gizon bat atxilotu dute Markina-Xemeinen droga-trafikoagatik
Servicio de prensa
2025-12-04
Ertzaintzak gizon bat atxilotu du Markina-Xemeinen, osasun publikoaren aurkako delitu bat egotzita, zihoan ibilgailuan substantzia estupefazienteak konfiskatu ostean.
Gertakariak gaur, osteguna, goizaldeko 02:40etan izan dira. Herritarrak babesteko lanetan ari zen patruila batek Markina-Xemeindik zihoan ibilgailu batek Ertzaintzaren presentziaz ohartu denean ihes egiteko maniobra bat egin duela ikusi du.
Agenteek ibilgailua geldiarazi eta bidaiariak identifikatu dituzte. Ibilgailuari egindako miaketan, arrosa koloreko 9 pilula, 56 gramo anfetamina speed sulfato baino gehiago, hiru poltsatxotan banatuta, eta marihuana-landareen hondakinak atzeman dituzte.
Ibilgailuaren jabea eta kopilotua, 33 urteko gizon espainiar bat, atxilotu egin dute droga-trafikoko delitu bat egotzita, eta ertzain-etxera eraman dute beharrezko izapideak egiteko. Behin horiek amaituta, atxilotua aske utzi dute, substantzien analisiaren zain eta agintaritza judizialaren aurrean zitazioa egin ondoren.