Ertzaintzako agenteek gizon bat atxilotu dute goizaldean Bizkaiko hiriburuan, indarkeria erabiliz emakume bati lapurreta egiten saiatzea leporatuta. Atxilotuak kreditu-txartela emateko eskatu dio, eta kutxazain automatiko batetik dirua ateratzera behartzen saiatu da.
Goizaldeko hiruak baino lehentxeago, Zabalbide kalean zihoan Ertzaintzaren patruila batek gizon baten eta emakume baten arteko liskarra ikusi du, eta emakumeak laguntza eskatu dio.
Emakumeak, espainiar nazionalitatekoak, agenteei esan die gizona gauean ezagutu duela lagun batekin parrandan zebilenean. Horrela, kalean bakarrik geratu direnean eta oinez zihoazenean, bat-batean, gizonak, larderiaz, kreditu-txartela emateko eskatu dio, eta kutxazain automatiko batetik dirua ateratzera behartzen saiatu da. Biak elkarren aurka indarka hasi dira, eta susmagarriak lepotik heldu eta heriotza-mehatxua egin dio.
Deklarazio horren aurrean, lapurreta egiten saiatu den espainiar nazionalitateko 50 urteko gizona atxilotu dute.
Atxilotuak aurrekari ugari ditu ondarearen aurkako delituengatik, eta gaur goizean bertan jarri dute epailearen eskuetan.