Ertzainek 24 urteko gizon bat atxilotu dute Arabako hiriburuan osasun publikoaren aurkako delitua leporatuta, kokaina eta haxixa zuten hainbat bilgarri, ustez txikizkako salmentarako prestatutakoak, eta 420 euro atzeman ondoren.
Atzo, osteguna, arratsaldeko zortziak aldera, patruila bat arma zuriak eta objektu arriskutsuak detektatzeko eta droga-salmentaren eta -kontsumoaren aurkako prebentzio-lanetan ari zen Gasteizko Alde Zaharrean.
Agenteek gizon bat identifikatu zuten, eta kirol-jertse baten poltsikoetan hauts zuri bat, ustez kokaina, zuten plastikozko sei poltsatxo aurkitu zizkioten. Horrez gainera, haxixa zuten antzeko beste zortzi bilgarri eta substantzia beraren zati handiago bat zuen poltsatxo bat ere aurkitu zizkioten. Gerriko poltsa batean zeraman diru-zorroan 420 euro zeramatzan kopuru ezberdinetako billetetan.
Banako dosietan banatuta zeuden eta ustez txikizkako salmentarako prestatuta zituen droga horiek eta esku-dirua aurkitu izanaren ondorioz, osasun publikoaren aurkako ustezko delitu batengatik atxilotu zuten.
Atxilotuak, magrebtar jatorriko 24 urteko gizonak, aurrekariak ditu jabetzaren aurkako egitateengatik, batez ere lapurretengatik, eta gaur, ostirala, eraman dute epaitegira polizia-izapideak amaitutakoan.
Ertzaintzaren eta Polizia Nazionalaren arteko operatibo bateratu bati esker, biktimak prostituzioan aritzen ziren etxebizitzetan indarkeriaz…
26_0069 Ertzaintzak 198 adingabe atxilotu zituen 2025ean, atxiloketa guztien % 2,14 izan ziren Ertzaintzak 198…
Ertzaintzak 43 urteko gizon bat atxilotu zuen atzo arratsaldean, sexu-askatasunaren aurkako delitua leporatuta. Atxilotuak labana…
26_0068 La Ertzaintza detiene en Bilbao a una mujer por el homicidio de su pareja…
Más de una veintena de ponentes internacionales y estatales debatirán en Naturklima sobre innovación, soberanía…
Un trágico suceso ha sacudido esta mañana al barrio bilbaíno de Uribarri. Una mujer de…