26_0105 Gizon bat atxilotu dute Irungo etxebizitza batean lapurreta egiten saiatzeagatik

Ertzainek 25 urteko gizon bat atxilotu dute, Irungo bizitza bateko etxe batean indarra erabiliz lapurreta egiten saiatzea leporatuta. Atxilotua, beste pertsona batekin batera, zizel baten, bihurkin baten eta harri baten bidez sarrerako atea kolpeka hautsita saiatu zen etxean sartzen.

Atzo, osteguna, arratsaldeko hiruak aldera, Irungo Anaka auzoko etxebizitza bateko bizilagunak Ertzaintzari jakitera eman zion bi pertsona bere etxean sartzen saiatu zirela.  Ikusi egin zituela konturatu zirenean, ihes egin zuten.

Herritarrak babesteko lanetan ari zen patruila bat bertaratu zenean, berriemaileak agenteei esan zien, eraikinaren goiko aldean zegoenean, kolpe handiak entzun zituela ate nagusian. Jaitsi zenean, bi gizon ikusi zituen kanpoaldean, atea kolpatzen. Etxeko bizilagunak han egotea gaitzetsi zien, eta, berehala, korrika ihes egin zuten.

Agente jarduleek egiaztatu zutenez, ateak kolpe-markak zituen sarraila inguruan, eta lurrean zizel bat, bihurkin bat eta harri bat, inplikatuek sarrerako atea behartuta etxean sartzen saiatzeko erabili zituzten objektuak, aurkitu zituzten. 

Handik laster, Ertzaintzaren beste dotazio batek bertako erdialdeko kale batean aurkitu zuen bi gizonetako baten deskribapen fisikoarekin bat zetorren pertsona bat. Egiaztapen batzuk egin ondoren, etxebizitzan indarra erabiliz lapurreta egiten saiatzea leporatuta atxilotu zuten.

Ertzaintzak ikertzen jarraitzen du lapurreta-saiakeran parte hartu zuen bigarren pertsona aurkitzeko.

Atxilotua magrebtar jatorriko 25 urteko gizona da, epaitegira eraman dute dagozkion eginbideak amaituta.