Ertzainek 47 urteko gizon bat atxilotu zuten atzo gaueko azken orduan Donostian, zahar-egoitza bateko instalazioetan lapurretan harrapatu ondoren.
Atzo, osteguna, gaueko hamaikak aldera, poliziaren laguntza eskatu zuten Gipuzkoako hiriburuko zahar-etxe batetik, bertako langileek adierazi zutenez, pertsona bat baitzebilen une horretan jendearentzat itxita zegoen administrazio-eremuan.
Herritarren babeserako patruila bat berehala bertaratu zen, eta agenteek adierazietako solairua ikuskatu zuten eta gizon bat aurkitu zuten armairu batean ezkutatuta. Susmagarria identifikatu ondoren, jakin ahal izan zuten eraikineko suteetako eskaileratik igo zela eta gero larrialdietako ate bat behartu zuela. Gizona aurkitu zuten gela nahastuta zegoen, eta bere gauzen artean lapurtutako telefono bat zuen. Horren aurrean, eta dagozkion frogaketak egin ondoren, gizona atxilotu egin zuten indarrez lapurreta egitea leporatuta.
Jarraian, atxilotua, europar jatorriko 47 urteko gizona, polizia-egoitzara eraman zuten dagozkion eginbideak gauzatzeko, epailearen eskuetan jarri aurretik.