Nafarroako Gobernuak, Nafarroako Trafikoaren bitartez, bere Trafiko Bisorea estreinatu du, herritarrek foru errepideekin lotutako gorabeherak denbora errealean ezagutu ditzaten. Trafikoko webgunearen bidez eskuratu ahal izango den tresna da, eta, horren bidez, Foru Gobernuak, besteak beste, gertakari, buxadura, erorketa, obra, auto-ilara, istripu edo larrialdiek errepideetan eragindako baldintza klimatologikoen, mozketen edo afekzioen berri emango du.
nahi da. Barneko, Funtzio Publikoko eta Justiziako kontseilaria den Inmaculada Juriok eta Barne zuzendari nagusia den Salvador Diezek aurkeztu dute astearte honetan, Nafarroako Gobernuko Politikak Garatzeko Zerbitzuan. Cordovillan kokatutako bulego horietan, Trafikoa Kudeatzeko Zentro berria instalatu da, eta bertan kudeatuko da plataforma, eguneko 24 ordutan eta urteko egun guztietan, denbora errealean eguneratuz.
Hainbat informazio-iturri
Juriok azaldu duenez, “herritarrei errepideen egoerari eta baldintzei buruzko edozein gorabehera jakinarazi behar zaie, bidaiatzerakoan erabakiak hartu ahal izateko, bidaia aurreratu edo ibilbideak aldatu ahal izateko. Zerbitzua nafarrentzat ez ezik, Foru Komunitatera datorrenarentzat ere bada, edonondik datorrela ere, edo hemendik pasatzen denarentzat”.
Bisoreak informazioa jasotzeko, hainbat iturri erabiliko ditu; hala nola, Nafarroako Gobernuaren kamera digitalizatuak, hainbat bidetan instalatuak; Waze bezalako tresna (Googleren aplikazio kolaboratiboa, errepidean dauden pertsonek gehitutako informazioa erabiltzen duena, istripuak, eragozpenak, auto-ilarak, eta abar daudenean); 112 (trafikoari eta larrialdiei buruzko guztiak); TZNren V-16 balizak (gelditutako ibilgailuen geolokalizazioa); edo Errepideak Kontserbatzeko Zentroa (obren gaineko informazioa).
Tresna berri horrek informazio hori guztia bilduko du, eta mapan ikus ahal izango da, afekzio ezberdinekin eta maila desberdinen arabera (zirkulazio zaila, baldintzatua, irregularra edo etena) eta kategorien arabera (istripuak, meteorologia, trafikoa eta beste hainbat). Halaber, une jakin batzuetan gertatzen ari diren eta gorabeherak sortzen ari diren gertaerak sartuko dira (film bat filmatzea, kirol-ekitaldiak, zeharbideak har ditzaketen jaiak eta errepideetan mozketak eta aldaketak eragiten dituztenak). Horiek guztiak pantailan agertuko dira, baita hurrengo egunetan ere, aurreikusitako iraupen eta guzti.
Gainera, herritarrei informazioa emango zaie Telegram bidez. “Zerbitzu honi esker, orain arte zegoen hutsunea beteko da, eta, horrela, TZNra informazioa bidaltzeko gai izango gara, hori ere bisorean agertu dadin; hau da, orain arte eskuratu ezin genuen informazioa. Beraz, web bidez, mugikorraren bidez edo telefono-deiaren bidez, herritarrek orain errepideen egoeraren eta bertan gertatzen den guztiaren berri izan dezakete edozein ordutan”, adierazi du kontseilariak.