Lehen lehendakariordeak eta Kultura eta Hizkuntza Politika sailburuak, Ibone Bengeotxeak, bere lehen aldebiko batzarra izan du gaur Madrilen, Kirol ministrarekin, Milagros Tolón-ekin.
Batzar instituzional horretan landutako gaien artean, lehendakariordeak Euskal Selekzioen Ofizialtasuna jarri du mahai gainean: kirol-nazioartekotzearekin eta euskal selekzioen bultzadarekin Eusko Jaurlaritzak bere Gobernu programan hartutako konpromisoa agintaldi honetan.
Zentzu honetan, lehendakariordeak ministrari jakinarazi dio zein den Euskal Selekzioen Ofizialtasunerako Agenda, eta, era berean, Gobernuen arteko lankidetza eskatu dio konpromiso hori betetzen laguntzeko.
Era berean, Bengoetxeak azpimarratu du Euskadirentzat, ofizialtasuna aurrerapauso bat dela “garenaren normalizazioan”: “identitate propioa duen Herria, kirol-ibilbide nabarmendua duena eta besteengandik bereizten gaituen komunitate-sentimendu bat duena”. Gainera, kirolak herri bat ordezkatzeko eta komunitate zentzua indartzeko izugarrizko gaitasuna duela azpimarratu du.
Azkenik, lehendakariordeak nabarmendu du Eusko Jaurlaritzaren borondatea dela “hartutako bidean aurrera egiten jarraitzea, Gobernu modura euskal gizartearekin eta euskal selekzioekin hartutako konpromisoa baita”.
Ertzaintzak 51 urteko gizon bat atxilotu du Lemoan osasun publikoaren aurkako delitu batengatik, bere etxean…
26_0288 Ertzaintzak identifikatu du joan den igandean Zumaiako hondartza batean aurkitu zuten gorpua Ertzaintzak identifikatu…
Bilboko udaltzainek 45 urteko emakume bat atxilotu dute, hilketa saiakera egotzita. Zenbait lekukok atxilotua, bikotekidea…
Foru Komunitateko 101 udalerrik dagoeneko badituzte Baso-suteen Arriskuari aurre egiteko Udal Jarduera Planak (PAMIF), Nafarroako…
Hezkuntzak aurten deitu dituen maisu-maistren kidegorako oposizio-lehiaketako probak ekainaren 19an hasiko dira, ostirala, eta ekainaren…
Foru Gobernuak foru lege dekretu bat onartu du asteazken honetan, Estatu Batuen eta Israelen erasoaren…