Nafarroako Lehendakari María Chivite Navascuesek INMERS (International Media Literacy – Empowered Rural Seniors) europar proiektua abiarazteko saio ofiziala inauguratu du Europako Parlamentuan, Bruselan. Europa Sortzailea (CREA – Media Literacy) programak finantzatutako ekimena da, eta Europako landa-inguruneetan bizi diren 65 urtetik gorako pertsonen alfabetatze mediatikoa indartzea du helburu. Lehendakaritza eta Berdintasun Departamentuko Politika Publikoen Plangintza, Koordinazio, Berrikuntza eta Ebaluazioko Zuzendaritza Nagusia da proiektuaren burua.
Ekitaldia Europako Eskualdeen Komitearen esparruan ospatu da, eta Nafarroa, Finlandia eta Errumaniatik etorritako erakundeetako ordezkariak eta partzuergoko bazkideak bildu dira.