2026_0217 Bilbon bi pertsona atxilotu dituzte biktimaren etxean lapurreta egiteko sexu-topaketa bat antolatu ondoren

Ertzaintzak 47 urteko gizon bat eta 27 urteko emakume bat atxilotu ditu gaur goizaldean Bizkaiko hiriburuan, emakumearen sexu-zerbitzuak eskatu zituen edadeko pertsona baten etxean lapurreta egiten saiatzeagatik.

Gaur goizaldeko ordu bi eta erdiak aldera gertatu da Bilboko San Frantzisko auzoan.  Biktimak, latinoamerikar jatorrikoak eta 70 urtekoak, emakumearen sexu-zerbitzuak eskatu zituen beste bi pertsonarekin partekatzen zuen etxebizitza batean. Biak bere logelan zeudenean, emakumea irten egin da komunera zihoala esanez eta, itzuli denean, beste gizon batekin zegoen.  Bien artean biktimari diru-zorroa lapurtzen saiatu dira, objektu zorrotz batekin mehatxatuz eta eraso eginez.  

Etxeko maizterretako bat, aldameneko gelan sortutako zalaparta entzun duenean, bertara sartu da eta eraso ikusi du, eta biktimari laguntzen saiatu da. Borrokan ari zirenean, emakumeak amoniako-botila bateko edukia bota dio biktimari begietara.  Logelan hori gertatzen ari zen bitartean, etxeko gainerako egoiliarrek Ertzaintzara deitu dute.

Bertaratu diren agenteek eraikineko atarian aurkitu dute gizona ihes egiten saiatu denean, eta emakumea etxebizitzan bertan. Biak indarkeriaz lapurreta egiten saiatzea leporatuta atxilotu dituzte. Bestalde, gizonari eginbideak ireki dizkiote ikertu gisa bizilekua bortxatzearen delitu batengatik, eta emakumeari, berriz, kalte-delitu batengatik etxebizitzan eragindako txikizioen ondorioz.

Bai emakumea, 27 urtekoa, bai gizona, 47 urtekoa, espainiar nazionalitatekoak dira, eta polizia-aurrekari ugari dituzte. Polizia-eginbideak amaitu ondoren, epailearen eskuetan jarriko dituzte.