26_0228 Getxon emakume bat atxilotu dute bikotekideari arma zuri batekin eraso egiteagatik
Servicio de prensa
2026-03-27
Ertzainek 44 urteko emakume bat atxilotu dute Getxon homizidio-saiakera leporatuta, bikotekideari labana batekin eraso egin ondoren. Biktima ospitalera eraman behar izan dute.
Erasoa bart gaueko hamarrak aldera gertatu da Getxoko Algorta auzoko etxebizitza batean. Herritarrak babesteko lanetan ari ziren patruilak bertaratu direnean, agenteek egiaztatu dute atarian zegoen gizon bat odola dariola zegoela bularraldean zuen zauri batetik. Berehala, osasun-baliabideak eskatu dituzte biktima artatzeko.
Agenteek biktimaren bikotekidea den emakumea identifikatu dute etxean. Egindako lehenengo ikerketetan oinarrituta, jakin ahal izan dute eztabaidan ari zirenean emakumeak labana batekin eraso egin diola gizonari. Arma zuria, ustez erasoan erabili dena, eraikin barruan aurkitu dute.
Zauritua, 23 urtekoa eta jatorriz latinoamerikarra, anbulantzian eraman dute Gurutzetako Ospitalera.
Bestalde, 44 urteko emakume latinoamerikarra homizidio-saiakera leporatuta atxilotu dute, eta beharrezko eginbideak egiten dituztenean jarriko dute epailearen eskuetan.
Ertzaintzak 19 eta 21 urte bitarteko bost gazte atxilotu ditu gaur arratsaldean Murgian, Gasteizen 17…
Euskadiko Larrialdi Zerbitzuen arteko koordinazioak eta su hartzen hasi den gai arriskutsuen kamioi baten gidariak…
Emakume bat atxilotu dute 78 urteko emakume bati "tokomotxoaren" iruzurraren bidez iruzur egiteagatik. Biktimari bide…
Ertzaintzak bi emakume atxilotu zituen atzo Gipuzkoako hiriburuan, euren artean droga-pase bat egiten ikusi ondoren.…
San Sebastián se ha situado en el epicentro de la crisis habitacional del país, posicionándose…
En la presentación celebrada hoy se han dado a conocer nueve eventos especiales, cinco de…