Ertzaintzak ikerketa abiatu du gertakariengatik
Gizon bat atxilotu dute Barakaldon, indarkeriaz egindako lapurreta baten deiari erantzutera zihoan Udaltzaingoari labana batekin mehatxu egiteagatik
Servicio de prensa
2026-04-03
Gaur, ostirala, arratsaldean, gizon bat atxilotu dute Barakaldon, merkataritza-establezimendu batean indarkeriaz egindako lapurreta baten deiari erantzutera zihoazen udaltzainei arma zuri batekin mehatxu egiteagatik. Atxilotuak labanaz eraso die ertzainei, eta erasotzaileari tiro egin behar izan diote hankan.
Gaur, ostirala, arratsaldeko zortziak hogei gutxi aldera, Barakaldoko udaltzainak El Carmen auzoko merkataritza-establezimendu batera joan dira, indarkeriaz egindako lapurreta bat gertatzen ari zela ohartarazita.
Establezimenduaren kanpoaldera iritsi direnean, udaltzainek gizon bat ikusi dute labana batekin mehatxatzen, eta saiatu dira bere jarrera geldiarazten, taser pistola erabiliz. Gizonak arma zuriarekin zuen jarrerari eutsi dio eta agenteei oldartu zaie. Horietako batek tiro egin behar izan dio hanka batean.
Erasotzailea 61 urteko espainiar nazionalitateko gizonezkoa da eta aurrekari ugari ditu antzeko gertakariengatik. Osasun-zerbitzuek bertan artatu dute eta Gurutzetako Ospitalera eraman dute, egonkor eta arriskutik kanpo. Bertan, atxilotu gisa jarraitzen du indarkeriaz egindako lapurreta-delituengatik eta agenteen aurkako atentatuagatik.
Ondoren, Ertzaintzako zenbait baliabide bertaratu dira gertakarien tokira, eta eskumen eta gardentasun protokoloa kontutan hartuta gertakariaren ardura hartu dute.