26_0319 Euskadiko Larrialdi Zerbitzuek Aiako Harrietan istripua izan duen mendizale bat erreskatatu dute

Euskadiko Larrialdi Zerbitzuek Aiako Harrietan istripua izan duen mendizale bat erreskatatu dute

Gaur, larunbata, arratsaldean, Euskadiko Larrialdi Zerbitzuak Aiako Harrien parke naturalaren magalera joan dira, Oiartzunen (Gipuzkoa), erorita zauritu den mendizale bat erreskatatzeko.

Gaur, larunbata, arratsaldeko hiru eta erdiak aldera, SOS Deiak 112 Larrialdiak Koordinatzeko Zerbitzuari jakinarazi diote mendizale batek istripua izan duela taldean oinez zihoala Aiako Harrien parke naturalaren magalean, zehazki Arditurri bidean, Oiartzunen (Gipuzkoa). Erorikoaren ondorioz, 34 urteko emakume espainiarra orkatilan zauritu da eta ezin izan du aurrera jarraitu.

Eusko Jaurlaritzako Larrialdiei Aurregiteko Zuzendaritzako teknikari batek Ertzaintzaren helikoptero bat bidali du bertara, Zaintza eta Erreskate Unitateko Mendi Ataleko kideekin eta suhiltzaileekin batera. Azkenik, helikopteroak anbulantzia bat zegoen lekura eraman du emakumea, eta Donostiako Ospitalera eraman du, bertan artatzeko.