Ertzaintzak 25 urteko gizon bat atxilotu du Tolosan, paseatu ondoren etxera itzultzen ari zen adineko gizon bati indarkeriaz lapurtzea egotzita. Atxilotuak polizia-aurrekariak ditu horrelako gertakariengatik.
Erasoa ostegunean gertatu zen, 06:15ean, Tolosako Laskorain auzoan, biktima paseatzera atera zenean. Handik gutxira, etxera itzultzerako bidean, ezezagun batek bizkarretik eraso zion, eta dirua lapurtu zion asfixia eraginez, lepoan presio handia eginez.
Ertzainek, biktimak salaketan emandako informazioarekin, ikertzen hasi ziren, eta, horri esker, lapurretaren egilea identifikatu zuten, eta, ondoren, egun horretan bertan atxilotu zuten haren etxean. Atxilotuak polizia-aurrekariak ditu mota horretako delituengatik, eta maiatzaren 20an jada atxilotuta egon zen antzeko ezaugarriak zituen indarkeriazko lapurreta batengatik.
Atxilotua ertzain-etxera eraman zuten beharrezko izapideak egiteko, eta, ondoren, epailearen esku utzi zuten.