- Etxebizitza eta Hiri Agenda Sailaren Estatistika Organo Espezifikoak gaur argitaratu duen Alokairu Merkatuaren Hiru hilean behingo Txostenak (AME) adierazten du merkatua egonkorragoa dela, kontratuak etengabe berritzen ari direla eta eskaintza aktibo dagoela, nahiz eta erregistro berrien erritmoa zertxobait murriztu den-
- Gainera, 2025eko lehen hiruhilekoan eratutako fidantzek 832,1 euroko hileko batez besteko errenta izan zuten, hau da, % 0,4 jaitsi ziren, iazko laugarren hiruhilekoan egindako txostenarekin alderatuta (835,1 €).
Eusko Jaurlaritzako Etxebizitza eta Hiri Agenda Sailaren Estatistika Organo Espezifikoak ostiral honetan argitaratutako Alokairu Merkatuaren Hiru hilean behingo Txostenak (AME) adierazten du 2025eko lehen hiruhilekoan eratutako fidantzek hileko batez besteko 832,1 euroko errenta izan zutela, hau da, 2024ko laugarren hiruhilekoan egindako txostenarekin alderatuta, % 0,4ko jaitsiera izan zutela (835,1 €).
Gainera, eraikitako metro koadroaren prezioa % 6,1 jaitsi zen: 2024ko laugarren hiruhilekoan 11,3 €/m² izatetik 2025ean 10,6 €/m² izatera igaro zen; jaitsiera hori higiezinen azalera neurtzeko erabilitako datu-iturriaren aldaketarengatik da; orain informazio zehatzagoa eta homogeneoagoa ematen baitu.
Bestalde, 2025eko martxoaren 31n, Eusko Jaurlaritzak fidantza-gordailuaren erregistroan kontabilizatu zituen merkatuko prezioan indarrean zeuden etxebizitzen alokairu libreko 89.656 kontratu. Horietatik 3.085 denboraldi baterako etxebizitzei dagozkie, eta 1.644 familia bakarreko etxebizitzei; dituzten ezaugarriengatik ez dira analisi nagusian sartu.
Hala, ohiko erabilerako 84.927 etxebizitza kolektibo aztertu dituzte, horiek baitira Euskadiko alokairu libreko merkatuaren etxebizitza nagusiak.
Lurralde historikoen arabera, kontratuak honela banatu dira:
- Bizkaian daude alokairuko etxebizitzen % 49,8, hau da, 289 kontratu.
- Gipuzkoan % 36,1, hau da,691 etxebizitza.
- Araban, aldiz, % 14,1 hartzen du, hau da, 947 kontratu.
Kontratu berriei lotutako alokairu-fidantzen kopurua 2024ko aurreko hiruhilekoetan baino txikiagoa izan da hiruhileko honetan (4.006), baina indarrean dauden alokairuen bolumen osoa % 2 inguru hazi da: 2024an 84.374 kontratu izatetik 2025eko martxoaren 31n 84.927 izatera pasatu da.
Horrek adierazten du merkatua egonkorragoa dela, kontratuak etengabe berrituz doazelako eta eskaintza aktibo mantentzen delako, nahiz eta erregistro berrien erritmoa zertxobait murriztu.
Batez besteko errenta eta urtetik urterako bilakaera
Indarrean dauden etxebizitza libre kolektiboko kontratuen batez besteko errenta 779,1 €/hilean eta 10,3 €/m² izan zen lehen hiruhilekoaren amaieran. Balio horiek eratu berri diren kontratuetan baino zertxobait baxuagoak dira, eta merkatuaren goranzko presioa islatzen dute.
Eremu funtzionalen arabera, preziorik altuenak honako hauetan erregistratzen dira:
- Donostialdea – Bidasoa Beherea; batez beste, 904,7 € hilean.
- Bilbo Metropolitarra; batez beste, 810,1 € hilean.
Beste muturrean, alokairurik eskuragarrienak honako hauek dira:
- Arabako Errioxa: 431,9 € hilean.
- Aiara: 570,1 € hilean.
- Busturialdea – Artibai: 579,4 € hilean.
Araba Erdialdeko eremu funtzionalean Gasteiz sartzen bada ere, hiriburuak eta eremuak berak ez dute autonomia-erkidego osoaren batez besteko errenta gainditzen.
Bestalde, udalerriaren tamainaren araberako analisiak berretsi egiten du biztanle gutxien dituzten herrietan handitu direla gehien urte arteko errentak.
- 500 biztanle baino gutxiagoko udalerrietan, batez besteko errenta 604,5 €/hil da, 2024an baino % 4,9 gehiago.
- 500 eta 5.000 biztanle bitartekoetan, igoera % 5,8koa da, Euskadiko handiena.
- 001 eta 10.000 biztanle arteko herrietan, batez besteko prezioa % 3,7 hazi da, eta 20.001 eta 40.000 biztanle artekoetan, % 3,8.
- EAEko hiriburuetan, batez besteko errenta 941,2 €/hil da, eta urtetik urterako igoera % 3,6koa izan da.
Hiruhileko datuei dagokienez, prezioak zertxobait jaitsi dira 10.001 eta 20.000 biztanle arteko udalerrietan (-% 0,8) eta hiriburuetan (-% 1,6); gainerako udalerrietan, berriz, +% 1,3 eta +% 1,8 arteko aldaketa positiboak izan dira.
(*) Oharra: Higiezinen azalera zehazteko erabilitako iturria hobetu egin da, eta horrek metro koadroko kalkulatutako errenta-balioak aldatu ditu, eta datu horren serieetan eta adierazleetan aldaketak eragin ditu. Hala eta guztiz ere, etxebizitzen azalera eraikia zehazteko erabilitako iturri berritik datorren informazioa askoz zehatzagoa da.
Iturri-aldaketa horrek nolabaiteko haustura eragiten du denboraren seriean, eta horrek eragina izan dezake 2025eko lehen hiruhilekoaren aurreko eta ondorengo aldien mailen eta joeren konparagarritasunean; epe luzera, ordea, adierazlearen kalitatea hobetuko du. Ikus Alderdi Metodologikoak atala Hiru hilean behingo Txostenean.