Ertzainek 42 urteko gizon bat atxilotu dute goizaldean Irunen, lesio larrien delitua leporatuta, gazte bat aulki batekin jo eta begian lesio larriak eragin ondoren.
Gaur, osteguna, goizaldeko lau eta erdiak aldera, Ertzaintzak jakin du Irungo Alde Zaharrean herritar bati eraso egin diotela eta lesio larri bat izan zezakeela.
Bertaratu den herritarren babeseko patruila batek aurkitu du zauritua, magrebtarra, eta, hainbat kolpe izateaz gain, eskuineko begi ingurutik odola dariola zegoela egiaztatu dute. Premiaz osasun-zerbitzuen laguntza eskatu dute, eta anbulantzia batek eraman du ospitalera.
Jakin ahal izan denez, lekuan bertan identifikatu ahal izan duten latinoamerikar jatorriko 42 urteko beste gizon batek eragin dizkio lesioak biktimari, liskarrean ari zirenean aulki batekin kolpatu ondoren. Horren aurrean, erasotzailea lesio larriak eragitea leporatuta atxilotu dute, eta, ondoren, polizia-egoitzara eraman dute, epailearen eskuetan jarri aurretik, beharrezko izapideak egitera.