26_0155 Gizon bat atxilotu dute Arrasaten, su-arma batekin izandako gertakari batean gizon bat zauritu ostean

Gizon bat atxilotu dute Arrasaten, su-arma batekin izandako gertakari batean gizon bat zauritu ostean

Ertzaintza gaur goizean Arrasaten izandako gertaera bat ikertzen ari da; izan ere, gizon bat zauritu du suzko arma batek. Beste gizon bat atxilotu dute eguerdian, gertatutakoarekin zerikusia izan dezakeelakoan. Atxilotutako gizona ertzain-etxera joan da, ertzainek hala eskatuta.

Gaur goizeko 11:30ean, Udaltzaingoak eta Ertzaintzak Arrasateko eraikin bateko atarian gizon bat zaurituta zegoela esanez abisua jaso dute.  Antza denez, su-armaz egindako zauri bat zuen, eta senide batek Debagoieneko Ospitalera eraman du.

Ertzaintzak Herritarren Babeserako patruilak eta Brigada Mugikorreko Berehalako Erantzuneko Patruilak (PRI) mobilizatu ditu gertakarien lekura, ingurua babesteko eta gertakarian beste inor ez dela kaltetuta egiaztatzeko.

Gertatutakoari buruzko lehen ikerketei esker, ertzainek 55 urteko espainiar nazionalitateko gizonezko bat identifikatu dute. Deba Urolako ertzain-etxean atxilotu dute, gertakariarekin zerikusia duelakoan.

Biktima, espainiar nazionalitateko 61 urteko gizon bat da, Arrasateko Ospitalean dago, eta ebakuntza egingo diote.

Ertzaintzak ikertzen ari diren gertakarien arrazoiak zehazteko gestioekin jarraitzen du.