Familia eta Komunitateko Medikuntzako mediku egoiliarra den Ane Cobos Anbuhl aritu zen hizlari gisa, Ibarra Aretoan, eta ordubeteko iraupena izan zuen; saioaren amaieran, tarte bat utzi zen parte-hartzaileek adierazitako zalantzak eta egindako galderak argitzeko.
Ekimen honen helburu nagusia zen osasun-sistemaren erabilera egokiari buruzko ezagutza hobetzea; hala, argitu zuten noiz komeni den lehen mailako arretako kontsultara joan, noiz Etengabeko Arreta Gunera (EAG) eta noiz joan behar den ospitaleko larrialdi-zerbitzura. Zenbait adibide praktiko jorratu ziren, herritarrei identifikatzen laguntzeko zein den kasuan kasu erabili beharreko baliabide egokiena; horiek horrela, saihestuko da alferrikako joan-etorriak egitea Larrialdietara eta bultzatuko da hurbilagoa eta eraginkorragoa den arreta.
OSASUNA GUZTIONTZAT zikloaren xede nagusia da komunitateari heziketa sanitarioa hurbiltzea, osasunari buruzko erabaki informatuak hartzea sustatzea, eta herritarren nahiz inguruko zerbitzu asistentzialen arteko lotura sendotzea. Oso harrera ona izan du saioak eta, hortaz, berresten da garrantzitsua dela udalerrian parte-hartzea eta prestakuntza sustatzeko jarduerak gauzatzen jarraitzea.