- Talde bakoitzeko jankideen gehieneko kopurua pixkanaka murriztuko da, eta horrek aukera emango du ikasleen arreta hobetzeko eta haien autonomia errazteko jantokian, gehienez ere 30 ikasle begirale bakoitzeko 2027-2028 ikasturtean.
- Haur Hezkuntzan, 3 urteko taldeko jankideak 20 baino gehiago direnean, begirale gehigarri bat esleituko da ikasle txikienen arreta indartzeko.
Eusko Jaurlaritzako Hezkuntza Sailak pixkanaka murriztuko ditu begirale-ratioak Lehen Hezkuntzako eskola-jantokietan, eta Haur Hezkuntzako arreta indartuko du, jantoki zerbitzuan ikasleei ematen zaien arreta hobetzeko.
Aurreikusita zegoen bezala, neurri horiek 2026-2027 ikasturterako “Kudeaketa zuzeneko eskola-jantokien funtzionamendurako jarraibideetan” sartuko dira, datozen hiru ikasturteetarako (2026-2029) eskola-jantokien zerbitzuaren lizitazio-kontratu berria izapidetzearekin batera.
Lehen Hezkuntzako begiraleen eta ikasleen ratioei dagokienez, taldeko jankideen gehieneko kopurua pixkanaka murriztuko da, eta horrek aukera emango du arreta hobetzeko eta ikasleen autonomia errazteko jantokian, gehienez ere 30 ikasle begirale bakoitzeko 2027-2028 ikasturtean.
Gainera, 2026-2027 ikasturtean, Lehen Hezkuntzako 1. mailatik 3. mailara bitarteko jankideak 30 ikasle baino gehiago direnean, begirale gehigarri bat gehituko da 2027 2028 ikasturterako aurreikusitako ratio berriak indarrean jarri arte.
Bestalde, Haur Hezkuntzan, 3 urteko taldeko jankideak 20 ikasle baino gehiago direnean, begirale gehigarri bat esleituko da, gazteenen arreta indartzeko.