Asteazken honetan, apirilaren 15ean, irekiko da 2025eko ekitaldiko PFEZren aitorpena aurkezteko epea, ekainaren 30era arte luzatuko dena. Kanpaina honetarako Foru Ogasunak 683.000 errenta-aitorpen inguru aurkeztea aurreikusten du, 634,9 milioi euroko itzulketekin eta 190 milioi euroko emaitza garbi negatiboarekin (sarreren eta itzulketen arteko aldea).
Era berean, Foru Ogasunaren kalkuluen arabera, Bizkaiko zergadunek ia 777,5 milioi euro aplikatuko dituzte gizarte-kenkarietan ondorengoengatik, adinekoengatik, desgaitasunengatik, mendekotasunagatik, etxebizitzagatik eta gizarte-aurreikuspeneko erakundeei egindako ekarpenengatik. Zenbateko horri gehitu beharko litzaizkioke berrikuspen fiskalean onartutako kenkari berriei lotutako zenbatekoak, adibidez, kontziliazioari lotutakoak, a priori kuantifikatzen zailak direnak.
Aitorpena aurkezteko, 2025eko ekitaldiari loturako datuak dituzten pertsona guztiek, 862.930 zergadun, eskura dute Foru Ogasunak egindako aitorpen-zirriborroa. Zehatzago esanda, Foru Aldundiak errenta-aitorpenaren 795.479 zirriborro egin ditu, 726.846 banakako modalitatean eta 68.633 baterako tributazioan, aukera hori onuragarriena den familia-unitateentzat.
Horrela nahi duenak bere zirriborroa kontsultatu, berrikusi eta bere aitorpena aurkeztu ahal izango du Aldundiak gaitutako bideetatik: digitala, telefonikoa eta presentziala.
Ogasunak egindako zirriborroak
Foru Ogasunak egindako 795.479 zirriborroak honela banakatzen dira:
|
PROPOSAMENAK ERRENTA25 Ogasunak egindakoak |
Itzultzea |
Sartzea |
Zero |
Guztira |
|
Zergapekoak |
306.545 |
276.715 |
3.829 |
587.089 |
|
Zergapekoak ez direnak |
128.092 |
17.139 |
63.159 |
208.390 |
|
Guztira proposamenak |
434.637 |
293.854 |
66.988 |
795.479 |
Bizkaiko Foru Ogasunean une honetan dauden datuen arabera zirriborro horien % 74k (588.557) zergadunek aurkezteko behar diren datu guztiak dituzte, eta gainerako % 26aren kasuan, 206.922 zirriborro, zergadunek osatu beharko dituzte, etxean jasoko duten gutunean adieraziko zaien bezala.
PFEZren kanpainaren aurreikuspenak
|
EMAITZA |
Zergadunak |
% Guztirakoaren arabera |
Zenbatekoa |
Batezbestekoa |
|
Itzultzea |
482.000 |
% 70,57 |
-634,9 M€ |
-1.317 € |
|
Sartzea eta emaitza 0koak |
201.000 |
% 29,43 |
444,9 M€ |
2.213 € |
|
Guztira |
683.000 |
% 100 |
-190,1 M€ |
-278 € |
Pertsona Fisikoen Errentaren gaineko Zerga likidatzeko kanpainan Bizkaiko Foru Aldundiak 683.000 aitorpen inguru aurkeztea aurreikusten du, eta horietatik % 70,57ren kasuan emaitza itzultzea izango da (zergadunen aldekoak izango dira). Horrela azken emaitza -190,1 milioi euro ingurukoa izango dela uste da; izan ere, Ogasunaren kontuen arabera 634,9 milioi itzuliko zaizkie bizkaitarrei, eta erakundeak 444,9 milioi jasoko ditu.
Gizarte-kenkariak
|
GIZARTE-KENKARIAK |
Onuradunak |
Batezbesteko kenkaria |
Zenbatekoa guztira |
|
Ondorengoak |
224.000 |
670 € |
150 M€ |
|
6 urtetik beherako ondorengoak |
51.500 |
262€ |
13.5 M€ |
|
65 urtetik gorako pertsonak |
130.000 |
631 € |
82 M€ |
|
Desgaitasuna edo mendekotasuna |
85.000 |
1.235 € |
105 M€ |
|
Ohiko etxebizitzaren alogera |
63.000 |
1.127 € |
71 M€ |
|
Inbertsioa ohiko etxebizitzan |
198.000 |
1.136 € |
225 M€ |
|
BGAE |
174.500 |
753 € |
131 M € |
|
Guztira |
– |
– |
777,5 M€ |
Erantsitako koadroan ikus daitekeenez, zergadunek Errentaren gaineko Zergaren ordainketa 777,5 milioi euro murriztuko dute araudian jasotako gizarte-kenkariak aplikatuz: ondorengoak, adinekoak, mendetasuna edo desgaitasuna duten pertsonak, etxebizitza eta alarguntasuna, eta zifra horiek aurreko taulan erantsi ditugu.
PFEZren aitorpena egiteko betebeharra
Arau orokor gisa, PFEZren aitorpena aurkeztu beharko dute 20.000 eurotik gorako laneko errentak dituzten pertsonek edo batera 1.600 eurotik gorako kapital-etekin gordinak eta ondare-irabaziak dituztenek, eta bi kasuetan salbuetsita daudenak sartuta eta, edonola ere, jarduera ekonomikoen etekinak jasotzen dituztenak
Berrikuntzak Errenta 25 kanpainan
Bizkaian onartu berri den zerga-berrikuspenaren ondoriozko neurriak:
Familia, berdintasuna, kontziliazioa, emakumea eta gazteria
Kenkari pertsonal eta familiar berriak txertatzen dira, hala nola hiru urtetik beherako adingabeak zaindu ondoren (eszedentzia/lanaldi-murrizketa) lan-merkatura itzultzeagatiko 1.500 euroko kenkaria emakumeentzat, eta 200 eurokoa gizonentzat, ondorengo adingabeak edo adoptatuak zaintzeagatik lan-, enpresa- edo lanbide-jarduera geldiarazteagatik, eteteagatik edo murrizteagatik. Era berean, emakume ekintzaileentzako kenkari gehigarriak gehitzen dira.
Halaber, 250 euroko kenkaria ezartzen da adingabeak eta mendetasun edo desgaitasun maila jakin bat duten pertsonak zaintzeagatik.
Kontuan hartzen dira gure gizarteko familia-eredu guztiak eta familia-unitatearen konfigurazio berria (guraso bakarreko familia, etxeko indarkeriagatik, genero-indarkeriagatik eta abarrengatik zaintza esleitu zaien pertsonekin dauden zergadunak).
Gazteriari dagokionez 35 urtera igotzen da pertsona batek aldeko tratamendu fiskala merezi duela jotzen den adina.
Araubide berezia ezartzen da kenkari batzuetarako. Adibidez, pertsona batek ezin izan badu aplikatu dagokion urtean ohiko etxebizitza alokatzeagatiko kenkaria, kenkari hori hurrengo bost urteetan aplikatu ahal izango du errenta-aitorpenetan. Azkenik pizgarri fiskalak sartzen dira baita telelanerako ere.
Etxebizitza
Etxebizitzaren arloan errentamendua bultzatzen da, alokairu eskuragarriaren eskaintza handitzeko zerga-pizgarriak indartuz. Horretarako errentatzailearen tratamendu fiskala hobetzen da; tratamendu honetan arau orokor gisa % 20ko hobariari eutsiko zaio, baina etxebizitza iraunkorraren errentamenduen kasuan % 30era igoko da. Gainera, tentsionatutako eremuetan badago, hobaria % 70ekoa izango da.
Ohiko etxebizitza alokatzeagatiko kenkariari dagokionez, oro har eutsi egiten zaio zergaldian ordaindutako kopuruen % 20ko kenkariari, urtean 1.600 euroko kenkari-mugarekin. Kenkaria % 35era igoko da, eta 2.800 euroko muga izango du urtean, ohiko etxebizitzako inbertsioetan eta 36 urtetik beherakoen kasuetan ezarritako kenkarietarako aipatutako babestu beharreko kolektibo berberentzat.
Ohiko etxebizitza erosten duten pertsonen tratamendu fiskalari dagokionez, gazteek % 23ko kenkari handituta aplikatuko dute. Ohiko etxebizitzaren erosketa formalizatzen den zergaldian kenkariaren urteko gehieneko oinarriaren mugarik gabe egingo dute (8.500 euroko mugarik gabe).
Etxebizitza-kontuaren tratamendua ere hobetzen da, etxebizitza-kontuetan gordetako zenbatekoak gauzatzeko epea 10 urtera luzatu baita (orain arte 6 urte ziren). Era berean kenkariaren ehunekoa % 18tik % 23ra handitzen da.
Era berean, familia ugariaren titular direnek, guraso bakarreko familia-unitate bateko kide direnek, etxeko indarkeriagatik edo genero-indarkeriagatik adingabeen zaintza esleituta dutenek, % 65eko edo gehiagoko desgaitasuna aitortuta dutenek edo mendetasun-graduren bat aitortuta dutenek, edo etxeko indarkeriaren edo genero-indarkeriaren biktimatzat hartzen direnek, % 23ko kenkaria aplikatu ahal izango dute, urtean 1.955 euroko mugarekin.
Kasu honetan ere berritasun gisa 2025-2029ko zergaldietan aitorpena egin beharrik ez duten eta egindako behin-behineko likidazioan ohiko etxebizitza alokatzeagatiko kenkari osoa edo zati bat aplikatzeko kuota nahikorik ez duten zergadunek behin-behineko likidazio horretan aplikatu ez den zenbatekoa jasotzeko eskubidea izango dute.
Azkenik, birgaitze babestuagatiko kenkaria sortzen da, errentamenduaren xede den etxebizitzan inbertitutako zenbatekoen % 18koa, gastuen % 30eko eta % 70eko hobariekin eta urtean 3.000 euroko mugarekin.
Enpleguaren gizarte-aurreikuspena bultzatzea
Lehentasunezko BGAEen ekarpenak: % 15etik % 25era bitarteko kenkaria eta, nolanahi ere, gazteen kasuan % 25ekoa (ekarpen goiztiarra). Lehen ezarpeneko erregimenean, 5 urte (2025etik 2029ra bitarteko zergaldiak), kenkaria % 10ekoa da.
Autonomoen ekarpenei dagokienez, euren kargura langileak izan edo ez, kenkaria % 10ekoa izango da, oro har, eta % 15ekoa, gaztea edo lehentasunezko sistema bada.
Trantsizio berdea
Etxebizitzen birgaitze energetikoaren kasuan, kenkari berri bat ezarri da eraginkortasun energetikoa hobetzeko eta etxebizitzetan energia berriztagarriak integratzeko obrengatik; kenkari hau % 15ekoa izango da, 3.000 euroko mugarekin.
Mugikortasun jasangarriari dagokionez % 10erainoko kenkariak ezarri dira PFEZn zero isuriko ibilgailu berriak erosteagatik, eta % 15eko kenkariak berriz kargatzeko puntuak ezartzeagatik.
Progresibitatea
Progresibitateari dagokionez eta adierazi den bezala, arau orokor gisa laneko errentak 20.000 eurotik gorakoak dituzten pertsonek aurkeztu behar dute PFEZren aitorpena, edo kapital-etekin gordinak eta ondare-irabaziak batera 1.600 eurotik gorakoak dituztenek, bi kasuetan salbuetsita daudenak eta, nolanahi ere, jarduera ekonomikoen etekinak jasotzen dituztenak barne.
Berrikuntza operatiboak:
.- Aurreko urtean berrikuntza izan bazen ere, garrantzitsua da gogoraraztea hasierako aitorpena aurkeztu eta hurrengo eguneko 24 orduetan ordezko aitorpena aurkez daitekeela. Eragiketa honen xedea hasieran aurkeztutako aitorpena ordeztu ahal izatea da, itzulketa 7 eguneko epean lortzeko aukera emanez.
.- Beste alde batetik, tentsionatutako eremuetako erreferentzia-prezioak zehaztearen ondoreetarako, errentatzaileei zein errentariei, errentamenduaren zenbatekoaz gain, errentan hartutako higiezina identifikatzeko eskatuko zaie.
Aitorpena nola aurkeztu
Zergadun bakoitzak honako bide hauek erabil ditzake bere aitorpena izapidetzeko:
- Digitala, www.bizkaia.eus/renta webgunean edo Renta Bizkaia Errenta aplikazioan.
- Telefonoz, 94 608 3000 telefonora deituta.
- Aurrez aurrekoa, Foru Ogasunaren 12 bulegoetan eta Aldundiaren «Gertu» bulegoetan. Hitzordua hartu behar da 94 406 6600 telefonoan edo www.bizkaia.eus/renta webgunean, apirilaren 13tik aurrera.
Aitorpena telefonoz, bulegoetan edo webgunean tramitatzeko, baterako aitorpena bada, gomendagarria da zergadunak apiriletik aurrera euren etxeetan jasotzen ari diren gutuna eskura izatea. Gutun horretan euren aitorpenari buruzko informazioa ematen zaie eta, identifikazio digitalerako bitartekorik ez badute, ordezkaritza-gakoa zein Bak gakoa aktibatzeko kode bat ematen zaie.
Ogasunak zergadunen eskura jartzen dituen 795. 479 zirriborroak erakundeak eskuragarri dituen datuekin eginda daude, eta, beraz, kasu batzuetan beharrezkoa izango da informazio osagarria ematea. Eragiketa hau kanal digitaletan, telefonoz edo Foru Ogasunaren bulegoetan aurrez aurre egin ahal izango da. Hona hemen ohikoenak diren kasu batzuk:
- Datu pertsonalak edo helbidekoak aldatzea.
- Aurreko urteetatik kobratutako atzerapenak.
- Etxebizitza alokatzeagatiko diru-sarrerak edo ordainketak.
- Merkataritza-lokala alokatzeagatiko diru-sarrerak edo gastuak.
- Higiezinen salmenta.
- Akzioen salmenta
- Aurreko ekitaldietako galeren konpentsazioa.
- BGAEren ekarpena ezkontidearen edo izatezko bikotekidearen alde.
- Pentsio konpentsatzaileak eta elikagaiengatiko urteko zenbatekoak.
Jasotzeke dagoen informazioa eman ondoren, sistemak berriro kalkulatuko du zirriborroa eta aurkezteko prest geratuko da.
Ondarearen gaineko Zergaren eta Fortuna Handien Aldi Baterako Elkartasun-Zergaren kanpaina.
2025eko Ondarearen gaineko Zergaren eta Fortuna Handien Aldi Baterako Elkartasun-Zergaren aitorpena aurkezteko epea maiatzaren 4an hasiko da. Horrela erabaki da kanpainaren lehen hogei egunak Errentari bakarrik eskaintzeko eta, horrela, herritarrek Bizkaian onartu berri den berrikuspenaren ondoriozko berritasun fiskalak ezagutu eta uler ditzaten errazteko.
Ondarearen gaineko Zerga aitortzeko betebeharra.
Aitorpenaren ondorioz ordaindu beharra duten zergadunek, edo, egoera hori gertatu ez arren, euren ondasunen edo eskubideen balioa 2 milioi eurotik gorakoa denean.
Fortuna Handien Aldi Baterako Elkartasun-Zerga aitortzeko betebeharra
Aitorpena aurkeztu behar dute 3 milioi eurotik gorako ondare garbia duten zergadunek, baldin eta euren tributu-kuota, zergaren arau erregulatzaileen arabera zehaztuta eta bidezko kenkariak edo hobariak aplikatu ondoren, ordaintzen badute.
Ondarearen gaineko Zergaren osagarria denez, zergadunek ondarearen gaineko zergaren kuota likidoaren zenbateko bereko kenkaria aplikatuko diote Fortuna Handien Aldi Baterako Zergaren kuota osoari.
Foru Ogasunak uste du 2025eko kanpainan 9.500 aitorpen inguru aurkeztuko direla, 135 milioi euroko zenbatekoarekin.
|
Kopurua |
Zenbatekoa |
|
9.500 |
135 M€ |