26_0324 Irunen agertutako gorpu bat dela eta ikerketa abiarazi du Ertzaintzak

Irunen agertutako gorpu bat dela eta ikerketa abiarazi du Ertzaintzak

Ertzaintzak izapideak ireki ditu gaur, asteartea, goizaldean Irungo auzo bateko txabola baten ondoan hilda agertu den gizon baten heriotza argitzeko. Lehenengo ikerketen arabera, suzko arma batek eragindako lesioen ondorioz hil da.

Gaur, asteartea, 03:30ean, pertsona  batek Ertzaintzari jakinarazi dio gizon baten gorpua agertu dela Irungo Belaskoenea auzoko txabola batzuen ondoan. Ertzaintza eta Osakidetza bertaratu dira, eta 34 urteko Magrebeko gizon baten heriotza baino ezin izan dute egiaztatu. Ustez, suzko arma batekin egindako zauri bat zuen.

Ertzaintzak ikerketa hasi du heriotzaren nondik norakoak argitzeko. Agintaritza judizialari aurkikuntzaren berri eman ondoren, hildakoaren gorpua Auzitegiko Medikuntzako Euskal Erakundera eraman dute.