• Batzordeak, Josu Erkoreka lehen lehendakariorde eta Segurtasuneko sailburua buru dela, isurketaren ezaugarrien, itsasoan duen portaeraren eta AZTI itsas teknologia-zentroak orain arte egindako simulazioen emaitzen berri eman du
• ITSASERTZA Plana 2019ko apirilaren 9an onartu zen Gobernu Kontseiluan. Oraingo honetan aktibatzen da lehen aldiz
Servicio de prensa
2024-01-11
Itsasertzaren Kutsadurari Aurre Egiteko Euskadiko Larrialdi Planaren Aholku Batzordeak (ITSASERTZA), Josu Erkoreka lehen lehendakariorde eta Segurtasuneko sailburua buru duela, eta, besteak beste, Eusko Jaurlaritzako, EUDELeko, Bizkaiko eta Gipuzkoako aldundietako, itsas kapitaintzetako eta Gobernuaren Euskadiko Ordezkaritzako arduradunek osatuak, erakundeen arteko koordinazio-lanei heldu die gaur, euskal kostaldean gerta daitekeen pellet plastikoen agerpenaren aurrean.
Bileraren ondoren, Erkorekarekin batera, Nekazaritza, Arrantza eta Elikagai Politikako sailburuorde Bittor Orozek, EUDELeko presidentea Esther Apraizek, AZTIko zuzendari Rogelio Pozok, Gipuzkoako Jasangarritasuneko diputatu Jose Ignacio Asensiok eta Bizkaiko Ingurumeneko zuzendari Álex Pelaezek isurketaren ezaugarrien, itsasoan izaten ari den portaeraren, eta AZTI itsas zentro teknologikoak orain arte itsasoaren egoerari buruz egindako simulazioen emaitzen berri eman dute.
Eusko Jaurlaritzak, Segurtasun Sailaren bitartez, joan den asteartean Plan horren alerta-fasea prebentzioz aktibatu ondoren egin da Aholku Batzordearen bilera, isurketaren iritsieraren balizko egoerari aurrea hartzeko. Izan ere, etengabeko jagoletza-lana lehenetsi da, baita erakundeak, organismoak eta sektoreak koordinatzekoa ere, ahalegin guztiak bateratu eta koordinatzeko helburuz.
ITSASERTZA prozedura bat da, pertsonak eta ondasun materialak arriskuan jar ditzaketen itsasoko kutsadura-egoerei aurre egiteko. Planaren lurralde-eremuak euskal lurraldeari dagokion kostalde osoa hartzen du eta, ondorio operatiboetarako, lurralde-banaketarekin bat datozen bi eremutan banatzen da: Bizkaia eta Gipuzkoa
Alerta-fasean, itsas kutsaduraren balizko gertaera baten aurrean mobilizatu daitezkeen bitartekoak eta baliabideak antolatzen dira, behar den erantzun-mailaren arabera.
Fase horretan azterketa xehatua jasotzen da, kutsadura-arrisku posibleen ebaluazioa egin ondoren egoeraren, baldintza meteorologikoen, ozeanografikoen eta ingurumenekoen arabera, eta, hala badagokio, eremu kalteberenak identifikatzen dira, aplikazio-eremuan sartutako zonen sentikortasun-mapen bidez, Plana aktibatzea eskatzen duten egoeretan babesteko.
ITSASERTZA Plana 2019ko apirilaren 9an onartu zen Gobernu Kontseiluan. Oraingo honetan aktibatzen da lehen aldiz.
PRENTSAURREKOA: https://labur.eus/PuSIk
Ertzaintzak adingabe bat atxilotu du gaur goizaldean Areetan, lesio larrien delitu bat egotzita. Atxilotuak bi…
Ertzaintzako agenteek 36 urteko gizon bat atxilotu zuten atzo, hilketa saiakera egotzita. Dirudienez, inplikatuak arma…
Ertzaintzaren eta Polizia Nazionalaren arteko operatibo bateratu bati esker, biktimak prostituzioan aritzen ziren etxebizitzetan indarkeriaz…
26_0069 Ertzaintzak 198 adingabe atxilotu zituen 2025ean, atxiloketa guztien % 2,14 izan ziren Ertzaintzak 198…
Ertzaintzak 43 urteko gizon bat atxilotu zuen atzo arratsaldean, sexu-askatasunaren aurkako delitua leporatuta. Atxilotuak labana…
26_0068 La Ertzaintza detiene en Bilbao a una mujer por el homicidio de su pareja…