• Gaztea ospitaleratuta dago istilu batean eragindako zaurien ondorioz. Istiluan Ertzaintzak esku hartu behar izan zuen ordena publikoa berrezartzeko
• Goizaldean izandako hainbat borrokatan, material arriskutsua zeramaten bi pertsona atxilotu dituzte, eta hirugarren bat osasun-zentro batera eraman dute ustez ukabilkada batek eragindako zaurien ondorioz
Ertzaintzak ikerketa-eginbideak hasi ditu gaur goizaldean Tolosako inauterietan gertatutako borroketako batean eragindako lesioen delitu batengatik. Taberna baten barruan hasi zen istiluak gero alde zaharreko kale batean jarraitu zuen, eta Ertzaintzak esku hartu behar izan zuen ordena publikoa berrezartzeko.
Goizaldean egin diren polizia-jarduketetan, Ertzaintzak hainbat pertsona identifikatu ditu, objektu batzuk (makilak, botilak…) kendu ditu eta bi gazte atxilotu ditu, horietako batek, gutxienez, erabiltzea debekatua dagoen materiala (barra luzagarria) baitzeraman. Bestalde, gazte bat ospitalera eraman behar izan dute borroka batean eragindako lesioen ondorioz. Borrokan ukabilkadak eman zizkioten eta era guztietako objektuak bota zizkioten elkarri.
Polizia-jarduketetako batean, agenteek istiluen kontrako materiala erabili behar izan zuten ordena publikoa berrezartzeko. Bigarren gazte bat ere zauritu zen istilu horretan, eta oraindik ez dituzte inguruabarrak argitu. Zauritua ospitalera eraman zuten eta oraindik ospitaleratuta dago.
Prebentziozko neurri gisa, Ertzaintzak ofizioz ikerketa-eginbide espezifikoak ireki ditu azken gertakari horretarako, eta dagokion epaitegiari auzitegiko mediku batek esku hartzeko eskatu dio ospitaleratutako gaztea ebaluatzeko eta lesioen izaera zehazteko. Aldi berean, Ertzaintzak barne-ikerketa hasi du polizia-jarduketarekin lotutako xehetasun guztiak aztertzeko.
Eusko Jaurlaritzak azpimarratu duenez, neurri horiek hartzen dira gertakariak erabat argitzeko, eta polizia-jarduketen gardentasun-konpromisoari erantzuten diote.
El Gobierno Vasco ha puesto en marcha un nuevo proceso para recuperar 1.000 viviendas que…
Fernando Domínguez Nafarroako Gobernuko Osasun Departamentuko kontseilariak, Estrella Petrina Nafarroako Ospitale Unibertsitarioko kudeatzaileak eta Miren…
Nafarroako Gobernuko Hezkuntza Departamentuak Hezkuntza, Lanbide Heziketa eta Kirol Ministerioari eskatu dio lehenbailehen arintzeko Espainiako…
Nafarroako Gobernuko Kultura, Kirol eta Turismo Departamentuak, Nafarroako Kirolaren eta Jarduera Fisikoaren Institutuaren bitartez, ekarpenen…
MIGUEL OSES Rebeca Esnaola Kultura, Kirol eta Turismo kontseilariak inauguratu du Lizarrako Erdi Aroko Ikasketen…
La Ertzaintza detuvo la madrugada del pasado domingo a tres hombres, de entre 21 y…