Getxoko Ertzain-etxeko agenteek azken hilabete honetan Getxon indarkeria erabiliz egindako lau lapurretaren ustezko egileak atxilotu dituzte. Atxilotuak hiru gazte dira, horietako bat adingabea. Gertakarietan inplikatutako laugarren bat aste honetan espetxeratu dute beste delitu batzuengatik.
Getxoko Ertzain-etxeak atzo, asteazkena, amaitu zuen ikerketari esker, mugapean azken 30 egun hauetan indarkeria erabiliz egin diren lau lapurretaren egileak identifikatu eta atxilotu ahal izan dituzte aste honetan. Egindako ikerketen arabera, pertsona horiek banaka edo taldean egin zituzten delitu horiek. Biktimak adingabeak edo muga fisikoak dituzten pertsonak izan dira.
Atxilotuak 17 urtetik 21 urtera bitarteko lau gazte dira, eta polizia-aurrekariak dituzte. Berez, horietako bat joan den asteartean espetxeratu zuten ikerketa honekin zerikusirik ez duten beste delitu batzuengatik.
Lehenengo lapurreta urtarrilaren 23an egin zuten Areeta auzoan. Biktima muga fisikoak dituen adineko emakume bat izan zen. Gazte batek etxeko portalean sartzen lagundu zion, eta, barrura sartu zirenean, lepoan zeraman lepokoa indarrez kendu eta ihes egin zuen.
Otsailaren 4an patinete elektriko bat kendu zioten adingabe bati Romo auzoan. Lapurretaren egileak hiru gazte izan ziren, eta mutilari eraso egin zioten patinetea eman nahi izan ez zienean. Egun horretan bertan, lau adingabe, horietako batek makuluak zeramatzan, beste lapurreta baten biktima izan ziren metroaren Bidezabal geltokiaren inguruan, eta telefono mugikor bat eta dirua kendu zizkieten. Lau gaztek beldurtu eta labanarekin mehatxatu zituzten.
Ikerketa honetan ikertu den azken delitua otsailaren 6an egin zuten Romon, eta biktima berriz ere adingabe bat izan zen. Bi mutilek telefono mugikorra kendu zioten labana batekin mehatxatuta.
Ertzainek gizon bat atxilotu zuten atzo Bilbon, joan den otsailaren 15ean indarkeria erabiliz lapurreta egitea…
Hondartzak, Euskara batzordeak Tokiko Gobernu Batzarrak apirilaren 21ean gai hauek onartu ditu: Hondartzak Tokiko Gobernu…
Donostiako Udalak “Zure hiria zaintzen” hezkuntza programaren hirugarren edizioko sari banaketa ekitaldia egin du gaur…
Nuria Rodríguez arloko zinegotzi delegatuak adierazi duenez, «astelehenetik erregularizazioarekin lotutako eskaerak jasotzen ari gara, hala…
Breakdance Herriko Plazan 17:00etatik 18:45etara. Doako sarrera. Breakdance lehiaketa bi modalitatetan jokatuko da. Alde batetik,…
Alkatetzak, Herritarrentzako Arreta Zerbitzuaren (HAZ) bitartez, udaletxera hurbiltzen diren pertsonei informazioa emateko eta izapideak errazteko…