Ertzainek polizia-eginbideak ireki dizkiete, ikertu gisa, droga-trafikoaren ustezko delitu batengatik, 17 urteko bi gazteri Gernika-Lumon. Arma zuriak detektatzeko eta substantzia sorgorgarrien salmentaren eta kontsumoaren aurkako prebentzio-lanetan identifikatu zituzten biak. Guztira 400 gramo haxix baino gehiago konfiskatu zizkieten.
Droga-kontsumoaren eta -trafikoaren aurkako eta arma zuriak detektatzeko Ertzaintzaren planaren esparruan, joan den astearte arratsaldean, patruila batek gazte talde bat identifikatu zuen Gernika-Lumoko kale batean. Polizia-dotazioak egiaztatu ahal izan zuen gazteetako batek kolore marroiko substantzia prentsatu bat zuten bost bilgarri zituela, antza denez, laurehun gramo inguruko pisua zuen haxixa.
Patruilak ikusi zuen bigarren gazte bat pakete bat lurrera bota nahian ari zela. Berrogei bat gramo haxix zituen beste bilgarri bat zen.
Hori dela eta, biak herriko Ertzain-etxera eraman zituzten eta, ikertu gisa, eginbideak instruitu dizkiete droga-trafikoaren ustezko delitu batengatik.
Gainera, taldearen inguruan substantzia beraren beste kopuru txiki batzuk aurkitu zituzten, doitasun-balantza batekin batera, eta konfiskatu egin dituzte. Bestalde, bertan zeuden bi gazte Herritarren Segurtasunari buruzko Legea urratzeagatik salatu dituzte, labana bat eta borra luzagarri bat baitzeramatzaten.
Aste honetan, Berroziko polizia-zentroan hainbat poliziatako esku-hartze taldeen arteko truke-jardunaldiak egin dira, eta Ertzaintzaren BBTrekin…
25_0753 Gasteizen beste gizon bati sexu-erasoa egin dion gizona atxilotu dute Gasteizen beste gizon bati…
25_0752 Ertzaintzak 100 kilo kokaina eta metanfetamina zituen gizon bat atxilotu du Irunen Ertzaintzak 100…
Ertzaintzako agenteek eginbideak ireki dizkiote, ikertu gisa, 68 urteko gizon bati osasun publikoaren aurkako ustezko…
El profesor de la Universidad del País Vasco (UPV-EHU) Carlos Martínez Gorriarán ha denunciado haber…
El diputado de Sostenibilidad, José Ignacio Asensio, ha presentado los presupuestos de su departamento, que…