Contrarian Ventures, teknologia klimatikoan arrisku kapitaleko konpainia liderra, Energy Tech Summit-en sustatzailea da, Europako bere sektoreko kongresu nagusiena. Bertan, teknologia klimatikoen berrikuntza eta inbertsio ekosistemako eragile nagusiak bilduko dira: startupak, inbertitzaileak, korporazioak eta erakundeetako ordezkariak.
Santiago Muguruza BBVA Spark-eko Arrisku Kapitaleko inbertsioen arduradunaren ustez, “ekonomiaren deskarbonizazioa berrikuntzarako eta ekintzailetzarako aukera bat da, eta ia sektore elektriko guztietako negozio-ereduak eraldatuko ditu”. Eta gaineratu duenez, “2023an climate tech-ri buruzko startupek arrisku-kapitaleko inbertsioaren % 27 erakarri dute Europan, 2021eko mailak hirukoiztuz eta zenbait gai gaindituz, hala nola ‘fintech-ak’”.
Antonio Bravo BBVAko Jasangarritasun Estrategiaren eta CIBen arduradun globalak azaldu duenez, “climate tech’ eremuan lan egiten duten konpainiek finantzaketa-erronka garrantzitsuei aurre egin behar diete beren negozioen eskalatzea lortzeko, azpiegituren inbertsioan oso intentsiboak direnak; bestalde, industria-korporazio handien erronka beren deskarbonizazio elektrikoan aurrera egitea ahalbidetuko dieten teknologia berritzaileak ezartzea da”.
BBVAk Contrarian Venturesekin bat egin du, kongresuaren barruan, ‘Growth Meets Capital’ eta ‘Growth Meets Industry’ taldeen ekitaldi paraleloak antolatzeko. Lehenengo ekitaldiari dagokionez, etapa helduagoetan dauden teknologia klimatikoko enpresak (A+ seriea) hazkunde-faseetan inbertitzen espezializatuta dauden teknologia klimatikoko munduko inbertitzaile nagusiekin konektatuko ditu. Horien artean, BBVAk inbertitzeko konpromezua dituen fondoak daude. ‘Growth Meets Industry’ saioak enpresa berritzaileak beren sektoreen deskarbonizazioaren abangoardian dauden mundu osoko korporazio industrialekin lotu nahi ditu.
Rokas Peciulaitis Contrarian Venturesen bazkide fundatzaile eta Energy Tech Summiten sortzaile eta presidenteak adierazi duenez, “oso pozik gaude BBVArekin lankidetza hau hasteaz eta Energy Tech Summit Bilbora eramateaz, berrikuntza ‘hub’ sistema berri bat, teknologia klimatikoaren komunitate globala bilduko duena”. “Growth Meets Capital ekitaldia abiarazita, gure helburua finantzaketa lortzeko prozesua azkartzea da, inbertitzaile handienak teknologia klimatikoan kontzentratzen baitira… Teknologia klimatikoko funtsetarako egun emankorrenetako bat izango da aurtengoa. Hemen akordio asko itxiko dira. Teknologia energetikoa interesatzen bazaizu, ezin duzu galdu”, gaineratu du.
Energy Tech Summit-en edizio berria Bilbon egingo da, klima-aldaketaren aurkako borrokan eragina inspiratzeko, konektatzeko eta handitzeko diseinatutako formatu dinamiko berriarekin. Honezkero, Bilbo-Bizkaia zirkulartasun-hub-aren eta hidrogeno berdearen korridorearen egoitza da; berrikuntza teknologiko eta klimatikoaren arloko interes-talde nagusiak hartuko ditu, trantsizio energetikoa bultzatzen laguntzen ari den lankidetza publiko-pribatuko ekitaldi batean.