Euskal Autonomia Erkidegoko Lan Ikuskaritzak lanaldi partzialeko kontratazioetan iruzurra kontrolatzeko kanpaina bat jarriko du martxan martxoan. Kanpaina hori urte osoan zehar garatuko da, eta EAEko 540 enpresatan oinarrituko da. Iruzurraren aurka Borrokatzeko Tresnak antzeman du lanaldi partzialeko kontratuen bolumena handiagoa dena jarduera-sektore bereko enpresena baino. Lan eta Enplegu Sailak berriki egindako txosten baten arabera, nahi ez den partzialtasunak bereziki kaltetzen ditu emakumeak, eta soldata-arraila errazten du.
2018. urteaz geroztik, Euskal Autonomia Erkidegoko Lan Ikuskaritzak kontratazioko iruzurraren aurka borrokatzeko hainbat kanpaina egiten ditu aldian-aldian. Oraingoan 540 enpresa bisitatuko dituen kanpaina bat hasiko da, horietatik 300 Bizkaian daude, 240 Gipuzkoan eta 140 Araban. Aukera hori Iruzurraren aurka Borrokatzeko Tresnari esker egin ahal izan da. Tresna horrek, teknologia erabiliz, datuak gurutzatzea eta kontratazioaren arloan irregulartasunak edo arauak ez betetzea eragin dezaketen egoerak detektatzea ahalbidetzen du.
Kasu honetan, lanaldi partzialeko kontratuen bolumena dagokien jarduera-sektoreko enpresena baino handiagoa dena antzeman duelako edo partzialtasun-koefiziente handiagoa duelako hautatu ditu tresnak. Kanpaina 2024an zehar luzatuko da.
Nahi ez den partzialtasuna
Hain zuzen ere, otsailaren 21ean, Soldata Berdintasunaren Nazioarteko Eguna zela eta, Idoia Mendia buru zuen Lan eta Enplegu Sailak lanaldi bat antolatu zuen partzialtasunari buruzko azterlan bat aurkezteko. Iseak Ikerketa Zentroari eskatuta, partzialtasuna lan-prekarietatearen beste ertz bat dela egiaztatu zen, behin-behinekotasunarekin eta orduko soldata baxuekin lotzen baita. Gainera, adierazi zuen emakumeak gizonak baino gehiago kontzentratzen direla partzialtasun handieneko lanbide eta sektoreetan, eta, gure inguruko herrialdeetan ez bezala, Espainian eta Euskadin partzialtasuna oso borondatezkoa ez dela: modalitate horretan lan egiten duten pertsonen % 50ek lanaldi osoko enplegua aurkitu ezin dutelako egiten dute.
Azterlanari buruzko informazio gehiago:
https://bideoak2.euskadi.eus/2024/02/21/news_91893/Resumen_Ejecutivo_Parcialidad_EUS.pdf
Apirilaren 28an, 29an eta 30ean egin diren eta NRBQ-Lurpeko-Lehergailuak Indargabetzeko Unitateko bost instruktore espezializatuk eman…
25_0293 Santurtzin, beren etxeko atarietan, adineko emakumeei indarkeria erabiliz egindako bi lapurretaren ustezko egilea atxilotu…
Ertzaintzako agenteek 44 urteko gizon bat atxilotu dute Bilbon, apirilaren 3an etxebizitza batean indarra erabiliz…
Udaberriarekin eta eguraldi onarekin batera, Bilboko Udalak sustatzen dituen dantzaldiek aire zabaleko saioei ekingo die berriro maiatzean…
Bilboko Udaleko eta Gazteria Sailak eta Mugikortasun eta Jasangarritasun Sailak «Balkoi jangarriak» ekimena jarri dute…
Maiatzaren 4an, hileko lehen igandean, Bilbao Zerbitzuak-ek jada ez dauden amak omenduko ditu berriro Udal Hilerriko kaperak hartuko duen…