24_0151 Getxo: bi atxilotu eta bi ikertu Erromoko taberna batean izandako liskar batengatik
Prentsa zerbitzua
2024-03-09
Ertzaintzako agenteek 22 eta 24 urteko bi gizon atxilotu dituzte gaur goizaldean Getxon, eta 38 eta 47 urteko beste bi ikertutzat jo dituzte, lesio-delitu bat egotzita. Laurak ospitaleetara eraman dituzte, azken biak ustez arma zuriz egindako zauri zorrotzekin.
Goizaldeko hirurak eta hamarrean, Ertzaintza bertaratzeko eskatu dute, Erromoko (Getxo) taberna batean pertsonen arteko eraso bat izan zitekeelakoan. Iritsi direnean, agenteek bi gizon aurkitu dituzte, zauri zorrotzak zituztenak, ziurrenik objektu edo arma zuriren batengatik.
Taberna barruan, aurpegiko zauriak zituzten beste bi gizon zeuden, antza, parte hartu zuten borrokaren ondorioz. Poliziak labana bat jaso du establezimenduan, delituarekin zerikusia duelakoan.
Arma zuriz zauritutako lehen biak Gurutzetako Ospitalera eraman dituzte anbulantzian, eta ustezko lesio-delitu batengatik ikertu dituzte. Beste bi inplikatuak Urdulizko Ospitalean artatu dituzte, eta atxilotu egin dituzte lesio-delitu bat egotzita. Horrenbestez, Getxoko ertzain-etxera eraman dituzte, dagozkion eginbideak egiteko.
Unas cincuenta familias reclaman penas de entre 12 y 17 años de cárcel para una…
Nafarroako Gobernuak, Unibertsitateko, Berrikuntzako eta Eraldaketa Digitaleko Departamentuaren bitartez, 3,3 milioi euro bideratuko ditu 2025-2026…
EVERES.ac-20 Nafarroako Museoak abuztuaren 31n amaitu ditu energia-eraginkortasuna hobetzeko 2024ko abenduan hasitako obrak. Lanak Construcciones…
Nafarroako Gobernuak, Funtzio Publikoaren Zuzendaritza Nagusiaren bitartez, lau deialdi argitaratu ditu gaur, A, B eta…
A* Jesús Garzaron/Gobierno de Navarra F* 2025_09_11 T* Reforma de los quirófanos del HUN L*…
Zer esan nahi du, eskubideei eta betebeharrei dagokienez, Tentsiopeko Merkatuaren Zonaldea izendatutako udalerri batean bizitzeak…