Lanbide-Enplegu Zerbitzu Publikoak astebeteko epean jakinarazi die luzaroko langabezian dauden pertsona guztiei banakako erreferentziazko profesional bat dutela, eta horrek lagunduko diela beren egoeraren diagnostikoa egiten gehi beraien egoerara egokitzen den lana bilatzen.
Legebiltzarrak joan den abenduan onartutako Enpleguaren Euskal Legean bertan dago jasota aurrerantzean lan duina aurkitu nahi dutenekin funtzionatzeko modu berri hori. Lege horrek enplegagarritasunari buruzko diagnostiko pertsonalerako eskubidea ezartzen die Lanbiden izena ematen duten eta hala eskatzen duten pertsona guztiei. Legeak, ordea, ezartzen du tutoretzen esleipen hori automatikoa izango dela langabezian daudenentzat. Aparte, lehentasun-prozedura bat ere aurreikusten du (langabezian denbora gehien daramatenekin hasita).
Jarraitutako prozedura hauxe izan da: interesdunei SMSa bidaltzea eta jakinaraztea nork emango dien tutoretza. Bide horri esker, apirileko lehen aste osoan, 54.376 pertsona abisatzeko helburua bete da. Epean Aste Santuko jaiegunen eratorritako faktorea kendu egin da. Halaber, martxoa ixtean, aipatu pertsona-kopuru hori agertzen zen iraupen luzeko langabetu gisa. Datozen egunetan, berriz, jakinarazpenak bidaliko zaizkie langabezian urtebete baino gutxiago daramaten interesdunei; eta ondoren, enplegua eskatu bai, baina langabezian ez daudenei (beti ere zerbitzu hau eskatzen badute). Hain zuzen ere, gaur egun 90.000 SMS bidali zaizkie enplegua eskatzen duten langabeei, eta 1.500 gutun Lanbiderekin harremanetan jartzeko telefono mugikorra erabiltzen ez dutenei.
Aipatu urratsa burutu ondoren, Lanbideren bulegoak antolatuko dira, Legean aurreikusitako plan pertsonalizatua hasi ahal izateko. Bertan interesdun bakoitzak behar dituen zerbitzu eta jarduera guztiak aurreikusiko dira, erreferentziako profesional horrekin batera.
Barakaldoko Udaleko Herritarren Segurtasunerako Arloak astearte honetan egin du Udaltzaingoko langileei eta Babes Zibileko boluntarioei…
Talde Motorra Elgoibarren bildu da, Lehentasunezko Jarduera Eremuaren bide-orrian jasotako proiektuen eta jarduketen azken urteko…
Bingen Zupiria eta Elixabete Etxanobe lurraldeko segurtasunaren egoeraren eta ikuspegi integral batetik aurkezten diren etorkizuneko…
Ertzaintzak gizon eta emakume bat atxilotu ditu joan den astean Beasaingo etxebizitza batean lapurreta egitea…
Ertzainek lau gizon atxilotu dituzte Gipuzkoako hiriburuan legearen aurkako atxiloketa eta lesioak eragitea leporatuta, pertsona…
El Gobierno Vasco ha aprobado la convocatoria de ayudas a la emancipación para el próximo…