BiscayTIK Fundazioak Basque Segurtasun Foroaren Bizkaia mailako bilera hartu du gaur arratsaldean. Bertan, erakundeetako, gizarteko, ekonomiako eta kiroletako eragileek segurtasunaren egoerari buruzko ikuspegia eman dute, bai eta etorkizunari begira ikuspegi integral batetik aurkezten diren erronkei buruzkoa ere.
Bingen Zupiria Segurtasuneko sailburuak eta Elixabete Etxanobe Bizkaiko Ahaldun Nagusiak gidatu dute bilera, eta bertan Bizkaiko Foru Aldundiko, Batzar Nagusietako, EUDELeko, Ertzaintzako, Osakidetzako, Probintzia Auzitegiko, Metro Bilbaoko, ostalaritza, merkataritza eta garraioetako elkarteetako, Gurutze Gorriko, DYAko eta EHUko ordezkariek beren diagnostikoak eta lurraldearen segurtasunarekin lotutako proposamenak partekatu dituzte. Bertaratutakoek gai hauek jorratu dituzte, besteak beste: administrazioen eta inplikatutako eragileen arteko lankidetza indartzea, egungo eta etorkizuneko segurtasun-erronken aurrean erantzun bateratua hobetzeko; larrialdien kudeaketa; klima-aldaketaren eragina; herritarren segurtasuna; ziberdelinkuentzia; emakumeen aurkako indarkeria; eta droga-trafikoa eta -kontsumoa.
Prozesu parte-hartzailea Euskadi osoan
Gaurkoa Basque Segurtasun Foroaren hogeita bosgarren bilera izan da, Urdaibai, Urola Garaia, Uribe Kosta, Urola Erdia, Vitoria-Gasteiz, Ibaizabal, Bidasoa, Mungialdea, Goierri, Debagoiena, Meatzaldea, Errioxa eta Arabako Mendialdea, Oarsoaldea, Bilbo, Aiaraldea, Urola Kosta, Lea-Artibai, Ezkerraldea, Debabarrena, Enkarterri, Araba eta Gipuzkoako eskualdeetan egindako topaketen ondoren.
Basque Segurtasun Foroa parte-hartze prozesu bat da, ikuspegi integral batetik segurtasunari buruzko diagnostiko partekatu bat eraikitzeko. Prozesu horretan, hainbat erakundek, elkartek eta eragilek topagune bat izango dute kezkatzen dituen segurtasunarekin lotutako gaiak lantzeko: herritarren segurtasuna, larrialdi klimatikoa, mugikortasuna, ekitaldi handiak, zibersegurtasuna, larrialdiak…
Basque Segurtasun Foroaren hurrengo hitzordua datorren asteartean, maiatzak 5, izango da, Agurainen.
Barakaldoko Udaleko Herritarren Segurtasunerako Arloak astearte honetan egin du Udaltzaingoko langileei eta Babes Zibileko boluntarioei…
Talde Motorra Elgoibarren bildu da, Lehentasunezko Jarduera Eremuaren bide-orrian jasotako proiektuen eta jarduketen azken urteko…
Ertzaintzak gizon eta emakume bat atxilotu ditu joan den astean Beasaingo etxebizitza batean lapurreta egitea…
Ertzainek lau gizon atxilotu dituzte Gipuzkoako hiriburuan legearen aurkako atxiloketa eta lesioak eragitea leporatuta, pertsona…
El Gobierno Vasco ha aprobado la convocatoria de ayudas a la emancipación para el próximo…
El Índice de Precios de Consumo ha frenado su avance en abril con una tasa…