Ertzaintzak gizon bat atxilotu du Berrizen lur orotako ibilgailu bat lapurtzeagatik. Ihesean zihoan pertsona horrek ausarkeriaz gidatu zuen, eta ertzain bat harrapatzeko zorian egon zen.
Atzo, ostirala, arratsaldeko hirurak baino minutu batzuk lehenago, Ertzaintzak jakin zuen lur orotako ibilgailu bat lapurtu zutela Berrizen. Handik gutxira, ibilgailua BI-623 errepidean aurkitu zuten, Urkiolako mendatearen inguruan, eta gelditzeko agindua eman zioten, baina gidariak ez zion jaramonik egin, eta ertzain batek saihestu egin behar izan zuen, ez harrapatzeko.
Ihesean abiada handian zihoan, ausarkeriaz, arrisku larrian. Horren adibide da Durangoko hirigunean, tarte batzuetan, kontrako norabidean ibili zela, eta arriskuan jarri zituela bai oinezkoak bai aurrez aurre zituen beste gidari batzuk. Gainera, obretan zegoen eremu batean, piboteekin, hesiekin eta beste objektu batzuekin talka egin zuen.
Azkenik, lur orotako ibilgailua utzi zuen Durangon bertan, San Fausto auzoan, eta oinez jarraitu zuen ihesean. Bertan, susmagarria Atsarte ibaira erori zen eta alboko baratzeetatik jarraitu zuen, geldiarazi eta atxilotu zuten arte. Ondoren, alkoholemia-proban positibo eman zuen, botatako aire litroko 0,50 miligramo alkoholeko emaitza emanez, baimendutako maximoa 0, 25 miligramokoa denean.
Pertsona horri bide-segurtasunaren aurkako ustezko delitu bat leporatzen zaio, ausarkeriaz gidatzeagatik, ibilgailua erabiltzea lapurtzeagatik eta agintaritzaren agenteen aurkako atentatuagatik.
42 urteko atxilotuak polizia-aurrekariak ditu, eta epailearen aurrean agertu beharko du laster.
Nordex Energy Spainek koordinatutako eta Ingeteam, Beeplanet Factory, CENER (Energia Berriztagarrien Zentro Nazionala) eta Nafarroako…
Guelbenzu Jolas Zentroko eta Larrabide Estadioko Kirol Teknifikazio Zentroko igerilekuek, biak Nafarroako Kirolaren eta Jarduera…
A* Jesús Garzaron/GN F* 2025_06_03 T* La consejera Rebeca Esnaola participa en una actividad de…
Kultura Ministerioak, Nafarroako Gobernuaren eta Lizarrako Udalaren laguntzarekin, Kultura eta Landatasun Foroaren VIII. edizioa antolatu…
Nafarroako Gazteriaren Institutuak gazteei zuzendutako baliabide afektibo-sexualen mapaketa bat egin du. Mapa hori bere webgunean…
Azken urtean Osasunbideko Nafarroako Osasun Zerbitzura joan behar izan baduzu patologia onkologiko edo infekzioso batengatik…