24_0316 Irun, espetxean sartu dute enpresa batean lapurretan ari zenean Ertzaintzak atxilotu ondoren
Prentsa zerbitzua
2024-05-31
Ertzainek gizon bat atxilotu dute Irungo Bentak auzoan dagoen enpresa batean lapurreta egiten saiatzea leporatuta. Langile batek harrapatu zuen ustezko lapurra instalazioetan, eta Ertzaintzari deitu zion. Ertzaintzak susmagarria aurkitu eta atxilotu egin zuen. Epaitegiak atxilotua espetxeratzeko agindua eman du, Ertzaintzak ohartarazi ondoren delitua behin eta berriz egin duela.
Lapurreta-ahalegina asteazken goizaldeko ordu bata eta laurden aldera izan zen, Irungo Bentak auzoan dagoen enpresa batean. Dei baten bidez jakinarazi zioten Ertzaintzari langile batek gizon bat aurkitu zuela enpresaren instalazioetan.
Bertaratu ziren polizia-baliabideek inguruan aurkitu zuten susmagarria, barrutia miatu ondoren.
Patruilek gizona identifikatu zuten, eta enpresatik lapurtu zituen hainbat ordenagailu eramangarri eta telefono mugikor aurkitu zizkioten. Ebidentzia horien aurrean, atxilotu egin zuten.
Atxilotuak, 25 urtekoak, aurrekari ugari ditu besteak beste Irungo, Errenteriako eta Donostiako hainbat etxe eta merkataritza-establezimendutan lapurreta egiteagatik. Dirudienez, atxilotuak inguru horretan egin ditu delituak azken urteetan. Ertzaintzak horren guztiaren berri eman zion agintaritza judizialari, eta epaileak espetxeratzeko agindua eman zuen.
Ertzaintzak 20 eta 21 urteko bi gazte atxilotu zituen atzo Iurretan, adineko pertsonei besarkada solidarioa…
Gaur goizaldean, Ertzaintzak, Bilboko Udaltzaingoarekin lankidetzan, lau gazte atxilotu ditu, eta beste sei ikertu, istilu-liskar…
Ertzaintzak adingabe bat atxilotu du gaur goizaldean Areetan, lesio larrien delitu bat egotzita. Atxilotuak bi…
Ertzaintzako agenteek 36 urteko gizon bat atxilotu zuten atzo, hilketa saiakera egotzita. Dirudienez, inplikatuak arma…
Ertzaintzaren eta Polizia Nazionalaren arteko operatibo bateratu bati esker, biktimak prostituzioan aritzen ziren etxebizitzetan indarkeriaz…
26_0069 Ertzaintzak 198 adingabe atxilotu zituen 2025ean, atxiloketa guztien % 2,14 izan ziren Ertzaintzak 198…