Gaur goizaldean, Ertzaintzak, Bilboko Udaltzaingoarekin lankidetzan, lau gazte atxilotu ditu, eta beste sei ikertu, istilu-liskar batean parte hartzeagatik eta, horren ondorioz, larri zauritutako pertsona bat ospitalera eraman dute.
Gauerdia baino lehentxeago izan zen liskarra, Bizkaiko hiriburuko erdiguneko kale batean. Bi gazte taldek borroka bat izan zuten. Talde handiena beste taldeko kideei oldartzen hasi zitzaien, kristalezko botilak jaurtiz. Azken horiek ihesi zihoazela, haietako batek estropezu egin zuen eta lurrera erori zen. Kolpe ugari jaso zituen gorputz osoan eta labankada bat hankan.
Larrialdi Zerbitzuak, Ertzaintza, Udaltzaingoa eta anbulantzia bat bertaratu ziren, eta, biktima artatu eta ospitalera eraman ondoren, erasotzaileak identifikatzeko informazioa bildu zuten.
Handik gutxira, goizaldeko ordu bata inguruan, Santutxuko borrokako parte-hartzaileak aurkitu zituzten, eta horietako lau atxilotu zituzten, 17 eta 18 urte bitartekoak, espainiarrak eta latinoamerikarrak, liskar iskanbilatsuaren eta lesioen ustezko delitu bat egotzita. Era berean, 16 eta 20 urte bitarteko beste sei gazteei, espainiarrak eta latinoamerikarrak, ikertu gisa eginbideak ireki zitzaizkien gertakari berberengatik.
26_0325 Gizon bat atxilotu dute gaur goizaldean Irunen aurkitu duten gorpuaren harira Gizon bat atxilotu…
26_0324 Irunen agertutako gorpu bat dela eta ikerketa abiarazi du Ertzaintzak Irunen agertutako gorpu bat…
Hiriko leku berri hau Javier Zubiria arkitekto donostiarrak proiektatu du eta inguruko agenteekin lanean ari…
Apirilaren 29tik maiatzaren 2ra izango da Cristina Enea parkean Lehen aldiz, Donostian ospatuko da Zuhaitzak…
Apirilaren 28a Laneko Segurtasun eta Osasunaren Munduko Eguna da. Lanaren Nazioarteko Erakundeak (LANE) -Laneko Segurtasun…
La justicia vasca ha confirmado la pena de dos años de cárcel y tres de…