24_0326 Bi atxilotu Bastidan, txalet batean lapurtzen saiatzeagatik
Servicio de prensa
2024-06-04
Ertzaintzako agenteek bi gazte atxilotu dituzte bart Bastidan, herriko etxebizitza batean lapurtzen saiatzeagatik.
Atzo, astelehena, arratsaldeko zortzi eta erdiak aldera, alarma-zentral baten deia jaso zuen SOS Deiak-ek, perimetroko hesia gainditu eta bi pertsona Bastidako familia bakarreko etxebizitza bateko lorategira sartu zirela ohartarazteko.
Bertaratutako patruilek bi gazte aurkitu zituzten etxe inguruan, susmagarriei buruz emandako deskribapenarekin bat zetozenak. Ertzainek deitu zietenean ihesean hasi ziren. Handik gutxira harrapatu zituzten, eta identifikatu eta atxilotu egin zituzten.
Egiaztatu ahal izan zutenez, gertaeren lekutik gertu dagoen herriko ur-biltegiko atea ere bortxatu zuten, eta eskailera bat lapurtu zuten. Antza denez, txaletera itzuli eta eskailera hori erabili nahi zuten barrura sartu ahal izateko.
19 eta 17 urteko atxilotuak epailearen aurrean agertu beharko dira datozen egunetan.
Ertzaintzak adingabe bat atxilotu du gaur goizaldean Areetan, lesio larrien delitu bat egotzita. Atxilotuak bi…
Ertzaintzako agenteek 36 urteko gizon bat atxilotu zuten atzo, hilketa saiakera egotzita. Dirudienez, inplikatuak arma…
Ertzaintzaren eta Polizia Nazionalaren arteko operatibo bateratu bati esker, biktimak prostituzioan aritzen ziren etxebizitzetan indarkeriaz…
26_0069 Ertzaintzak 198 adingabe atxilotu zituen 2025ean, atxiloketa guztien % 2,14 izan ziren Ertzaintzak 198…
Ertzaintzak 43 urteko gizon bat atxilotu zuen atzo arratsaldean, sexu-askatasunaren aurkako delitua leporatuta. Atxilotuak labana…
26_0068 La Ertzaintza detiene en Bilbao a una mujer por el homicidio de su pareja…