Ertzaintzako agenteek gazte bat atxilotu zuten asteazken arratsaldean, Irungo etxebizitza batean lapurtzea eta estanko batean iruzur egiten saiatzea egotzita. Atxilotua epailearen esku utzi zuten atzo, eta espetxeratzeko agindu zuten.
Ertzaintzak asteazken arratsaldean jakin zuen gizon bat Irungo estanko batean kreditu-txartel batekin erosketa bat ordaintzen saiatu zela eta PIN zenbakia sartzeari uko egin ziola.
Susmagarria handik gutxira aurkitu zuten Zabalgune Plazan, eta agenteek identifikatu egin zuten. Jarraian, gorputz-miaketa bat egin zioten, eta bere jantzien artean kreditu-txartel bat aurkitu zuten, bere jabetzakoa ez zena. Era berean, motxila arakatu zuten, eta, beste objektu batzuen artean, bi telefono mugikor aurkitu zituzten, baina horiek ere ez ziren bereak.
Irungo ertzain-etxetik egindako ikerketei esker, egiaztatu ahal izan zen motxila lapurtu egin zutela herriko etxebizitza batean, arratsalde hartan bertan. Motxila horretan, lapurretaren unean, hainbat tresna, estankoan ordaintzeko erabili zen kreditu-txartela eta berreskuratutako telefono mugikorretako bat zeuden. Beste mugikorra jabeari lapurtu zioten Hendaian, deskuiduan.
Atxilotuak 25 urte ditu eta aurrekariak ditu. Atzo epailearen esku utzi zuten eta Martuteneko espetxean sartzea agindu zuten.
Ertzainek 45 urteko gidari bat atxilotu dute gaur goizean Sopelan bide-segurtasunaren aurkako delitu bat leporatuta,…
El Consistorio bilbaino lanza esta oferta con la doble finalidad de apoyar a las familias…
El Tribunal Superior de Justicia del País Vasco ha respaldado la decisión de Forum Sport…
El Lehendakari Imanol Pradales ha encabezado hoy en Lehendakaritza una recepción oficial a los deportistas…
La Ertzaintza ha detenido en Irun a un hombre de 29 años y procedencia magrebí,…
El deporte de invierno guipuzcoano ha tenido un protagonismo especial en la recepción ofrecida por…