24_0452 Getxo, gizonezko bat atxilotu dute banku-sukurtsal bateko kutxazain automatikoetan eta aparkatutako ibilgailu batean sua eragiteagatik
Prentsa zerbitzua
2024-08-09
Ertzaintzako agenteek 55 urteko gizon bat atxilotu dute Getxon, Areeta auzoko banku-sukurtsal bateko kutxazain automatikoetan nahita piztutako sute baten ondorioz kalteak eragitea egotzita. Inguruan aparkatuta zegoen auto batek ere kalteak izan zituen, modus operandi beraren bidez.
Gertaera uztailaren 28an izan zen, goizean, Getxoko Areeta auzoko banku-sukurtsal batean. Gizon bat lokalera sartu zen eta barruko eta kanpoko bi kutxazaini su eman zien. Ikusitako zantzuen arabera, egileak azukre-poltsatxo batzuk sartu zituen txartelen artekan eta metxeroarekin su eman zien, elementu horietan eta irakurketa-eremuan kalteak eraginez.
Ordu-tarte berean, zonako bizilagun batek pneumatiko bati eta aparkatutako auto baten aurreko hegalari eragiten zien sute bat itzali zuen. Antza denez, norbaitek plastiko batzuk sartu zituen gurpilaren pasabidean, eta hondakin batzuen ondoan azukre-kozkor erreak ere aurkitu zituzten.
Getxoko ertzain-etxeak egindako ikerketei esker, bi gertakarien ustezko egilea identifikatu zuten, eta asteazkenean aurkitu eta atxilotu zuten. Dagokion atestatuaren eginbideak amaitu ondoren, atxilotua Getxoko Guardiako Epaitegiaren esku utzi zuten.
26_0319 Euskadiko Larrialdi Zerbitzuek Aiako Harrietan istripua izan duen mendizale bat erreskatatu dute Euskadiko Larrialdi…
Ertzaintzak 30 urteko gizon bat atxilotu zuen atzo Lazkaon (Gipuzkoa), beste bati barra finko batekin…
“Andre – Marles” baterako operazioa Ertzaintzak eta Cartagenako Guardia Zibilak bi pertsona atxilotu dituzte, Gipuzkoako…
26_0316 Emakume bat hil da Donemiliagan, ibilgailu batek harrapatuta Emakume bat hil da Donemiliagan, ibilgailu…
26_0315 Donostian telefono mugikorren saltoki bateko langile bat atxilotu dute iruzurreko transakzio bat egiteagatik Donostian…
Ertzaintzak, Gernikako Udaltzaingoarekin lankidetzan, 43 urteko gizon bat atxilotu du kalean aparkatuta zeuden bi ibilgailutatik…