Toni Martinezek esperientzia ekarriko dio Alavesen erasoari

Deportivo Alavesek eta Portok akordioa lortu dute Toni Martinez aurrelaria eskualdatzeko, talde urdin-zuriarekin 2028. urtera arteko kontratua sinatuz.

Antonio Martinez Lopez, futbolean Toni Martínez bezala ezagututa (Murtzia, 1997ko ekainaren 30a), Valentziako harrobian hasi zuen bere ibilbidea, jubenil mailan nabarmenduz eta UEFA Youth League txapelketa jokatuz. Bere paper onak, West Ham United-en arreta bereganatu zuen eta aurrelariak Ingalaterrarako maletak egin zituen, Londresko lehen taldearekin debuta eginez, 20 urte zituela, bere harrobian nabarmendu eta denboraldi bat League One-eko Oxford Uniteden utzita igaro ondoren. Azken talde honekin 17 neurketa jokatu zituen, 3 gol sartuz liga erregularraren eta FA Cup-en artean.

Ingalaterrako futbolera jauzi egin ondoren, aurrelari gaztea Espainiara itzuli zen Real Valladoliden parte izateko Bigarren Mailan. Maila horretan hazten jarraitu zuen Rayo Majadahondan eta Lugon arituta.

2019an Portugalera joatea erabaki zuen, eta han futbolari gisa kontsakratu zen. Famalicãon bi denboraldi eman ondoren, 40 norgehiagoka jokatuz eta 14 gol erdietsiz Liga eta Kopa artean, bere ibilbideko etapa handienari ekin zion Porton, bost denboralditan 100 neurketa baino gehiago jokatuz eta bi Liga, bi Kopa, bi Superkopa eta Ligako Kopa bat irabaziz.

Jokalariak badaki zer den Europako txapelketan lehiatzea eta gola sartzea: 2021/22 denboraldian bi gol sartu zituen Europa League-n eta Txapeldunen Ligan 18 neurketa jokatu ditu.

Toni Martinez Deportivo Alavesera eta Mendizorrotzara iritsiko da LALIGA EA SPORTS-en debuta egiteko eta berehala sartuko da Luis Garcia Plazak zuzentzen duen lan-dinamikan.