Amaia Barredo: “Arabako Errioxako ardoaren, txakolinaren eta sagardoaren upategien Japoniako aurkezpenek ate handia zabaldu diete hurrengo esportazioei”

Amaia Barredo Elikadura, Landa Garapen, Nekazaritza eta Arrantzako sailburuaren ustez, Arabako Errioxako ardoaren, txakolinaren eta sagardoaren 23 upategiek atzo eta gaur Japonian egin dituzten aurkezpenek “ate handia zabaldu dute gure produktuak aurrerantzean estatu horretara esportatzeko, eta, hori bezain garrantzitsua dena, gure gastronomiarekiko eta Euskadiko elikagai- eta kultura-eskaintzarekiko gero eta interes handiagoa sortzen ari dira”.

Gaur asteartea, Arabako Errioxako ardoak, Getariako, Bizkaiko eta Arabako txakolina eta Euskal Sagardoa sustatzen dituen euskal ordezkaritzak Basque Wine-Japan Connection sustapen-jardunaldia egin du Osakan, Tokioren eta Yokohamaren ondoren, Japoniako hirugarren hiririk handienean (bertako metropoli-eremuak 18,6 milioi biztanle ditu).

Profesionalek, prentsa espezializatuak eta, besteak beste, Yoshitsugu Yamamoto eta Ryusuke Nakano chefek lagunduta, Amaia Barredo sailburuak nabarmendu du gero eta handiagoak direla Japoniak eta Euskadik merkataritzaren, gastronomiaren eta kulturaren arloan dituzten loturak. Sailburuak Euskadi-Japoniako produktuen “uztarketan” parte hartu du, eta bertan Arabako Errioxako ardoak, txakolina eta sagardoa izan dira.

“Gure ia hogeita hamar upategi eta ekoizlerekin batera, gaur goizean aurkeztu ditugu Euskadiko aniztasun enologikoa, gure Basque Wine estrategia, Basque Japan Sarea-Japonia eta Enbaxadoreak programa, Sukaldari Enbaxadoreen Programara atxikitzeko sinadurekin”, adierazi du Amaia Barredok.

Japoniako ostalariek, kazetariek, sukaldariek eta gastronomia-kolektiboak Euskadiko goi-gastronomiaren erakustaldiaz gozatu ahal izan dute gaur  txakolinez, sagardoz eta Arabako Errioxako ardoz lagunduta.