Ertzainek gizon bat atxilotu dute gaur goizaldean, Basauriko Geltoki Auzoko bere etxebizitzan izandako sutean agente bati eraso egitea leporatuta. Atxilotuak ertzaina jo du osasun-langileak artatzen ari zirenean, kea arnastu duelako. Ertzaintza ikertzen ari da sutea nahita eragin ote duten.
Sua goizaldeko ordu biak laurden gutxian hasi da Basauriko Agirre Lehendakaria kaleko lau solairuko eraikin batean. Bertaratu diren Larrialdietako Zerbitzuko baliabideek eraikineko bizilagunak aterarazi dituzte. Suhiltzaileak sua itzaltzen ari zirenean, Ertzaintzako agenteek ikusi dute sua sortu den etxebizitzan bizi den pertsona terrazan zegoela eta patiora objektuak botatzen ari zela, garrak barruan hedatzen ziren bitartean etxean behin eta berriz sartu eta irtenez.
Agenteek etxebizitzatik ateratzea lortu dute, eta osasun-langileek artatu behar izan dute keak eraginda zegoen biktima. Sorosten ari ziren bitartean, biktimak aurre eta mehatxu egin die bertan zeudenei, eta esku hartzen ari zen ertzainetako bat jo du aurpegian.
Azkenean, gizona mendean hartu behar izan dute eta Bilboko ospitale batera eraman dute. Biktimari, 47 urteko gizonari, agintaritzaren agentearen aurkako atentatuaren-delitua leporatu diote, eta Ertzaintzak ikerketa hasi du sutea nahita eragin ote duten argitzeko.
Sua itzaltzeko lanak amaitu direnean, goizaldeko hiru eta erdiak aldera, bizilagunak euren etxeetara itzuli dira.
Ertzaintzak adingabe bat atxilotu du gaur goizaldean Areetan, lesio larrien delitu bat egotzita. Atxilotuak bi…
Ertzaintzako agenteek 36 urteko gizon bat atxilotu zuten atzo, hilketa saiakera egotzita. Dirudienez, inplikatuak arma…
Ertzaintzaren eta Polizia Nazionalaren arteko operatibo bateratu bati esker, biktimak prostituzioan aritzen ziren etxebizitzetan indarkeriaz…
26_0069 Ertzaintzak 198 adingabe atxilotu zituen 2025ean, atxiloketa guztien % 2,14 izan ziren Ertzaintzak 198…
Ertzaintzak 43 urteko gizon bat atxilotu zuen atzo arratsaldean, sexu-askatasunaren aurkako delitua leporatuta. Atxilotuak labana…
26_0068 La Ertzaintza detiene en Bilbao a una mujer por el homicidio de su pareja…