Ertzaintzak Andoaingo eta inguruko herrietako establezimenduetan lapurretak ugaritu ondoren ikertzen ari ziren gizon bat atxilotu zuen joan den asteartean. Era horretako egitateengatik aurrekari ugari dituen atxilotua espetxeratu egin zuten agintari judizialaren eskuetan jarri ondoren.
Hernaniko Ertzain-etxeko Ikerketa Kriminaleko Zerbitzuak gidatu zuen ikerketa, 2024ko urritik Andoain inguruko ostalaritza-lokaletan eta enpresetan indarra erabiliz egindako lapurretak ugaritu zirela egiaztatu ondoren.
Polizia-ikerketek delitu-jokabidearen patroi bat ezarri zuten, ingurune hurbilean eta batzuetan establezimendu berberetan errepikatzen zena, eta, horri esker, gertakarien ustezko egilea identifikatu ahal izan zuten.
Joan den asteartean, 19:26an, Ertzaintzako agenteek 38 urteko gizon bat atxilotu zuten Andoainen, eta ostalaritza-establezimenduetan eta enpresetan egindako zortzi lapurretatan gutxienez parte hartzeagatik ikertzen ari dira.
Atxilotua polizia-egoitzara eraman zuten zegozkion eginbideekin jarraitzeko, eta atzo, asteazkena, jarri zuten Tolosako Guardiako Epaitegiaren eskuetan, eta honek espetxeratzeko agindua eman zuen.
Ertzaintzak zabalik du ikerketa, eta ez du baztertzen atxiloketa gehiago egitea.
Ertzaintzak gizon bat eta emakume bat atxilotu ditu eta beste gizon bat ikertu du Gipuzkoako…
El Departamento de Salud del Gobierno Vasco ha sido distinguido con el Premio FarmAsist 2026…
La Ertzaintza contabilizó durante el pasado año 2025 un total de 3.676 victimizaciones de personas…
El territorio de Bizkaia registró 6.312 victimizaciones de personas de 65 años o más durante…
La Cooperación al Desarrollo que impulsa y financia la Diputación Foral de Bizkaia dirige una…
El Gobierno Vasco ha dado luz verde a la licitación de las obras para construir…