25_0156 Tolosan atxilotu dute beste gizon bati hautsitako botila batekin eraso egiteagatik
Servicio de prensa
2025-03-05
Ertzaintzako agenteek 36 urteko gizon bat atxilotu dute gaur, asteazkena, goizaldean, taberna batean borrokan ari zirela hautsitako kristalezko botila batekin beste gizon bati lepoan zauriak egin ondoren. Biktima ospitalera eraman behar izan dute.
Goizaldeko ordu biak laurden gutxi aldera, herritarrak babesteko lanetan ari zen Ertzaintzaren patruila bat Tolosako ostalaritza-lokal batera hurbildu da, bi pertsona borrokan ari zirela jakin ondoren. Iritsi direnean, agenteek egiaztatu dute pertsona bat odola dariola zegoela lepoaren alde batean eta esku batean zituen zaurietatik. Establezimenduko segurtasun-langileek eutsita zuten beste gizon batek ere lesioak zituen esku batean, eta bere onetik aterata zegoen.
Esku hartu duten ertzainek bildutako informazioaren arabera, biak eztabaidan hasi dira taberna barruan, eta kanpora irten direnean borrokan hasi dira. Helduta zuten gizonak hautsitako kristalezko botila batekin eraso egin dio besteari.
Bertaratu den anbulantzia bateko osasun-langileek lekuan bertan artatu dute ustezko erasotzailea, eta lesio-delitua leporatuta atxilotu dute. Lepoan zauritutako gizona, berriz, Asunción Klinikara eraman dute.
Atxilotua Agintari Judizialaren eskuetan jarriko dute beharrezko polizia-eginbideak amaitutakoan.
25_0300 Urkiolako Parke Naturaleko pareta batean erori den eskalatzaile bat erreskatatu dute Euskadiko Larrialdi Zerbitzuek…
Ertzaintzako agenteek 28 urteko gizon bat atxilotu dute gaur goizaldean Donostian, emakume bati indarkeriaz lapurtzea…
25_0299 Lemoizen desagertutako pertsona egoera onean aurkitu dute Lemoizen desagertutako pertsona egoera onean aurkitu dute…
25_0296 Ertzaintza goizaldean Donostian izandako ustezko sexu-eraso bat ikertzen ari da Ertzaintza goizaldean Donostian izandako…
Ertzaintzako agenteek 23 eta 29 urteko bi gizon atxilotu dituzte bart Sestaon, hilketa saiakera eta…
25_0297 Los Servicios de Emergencias de Euskadi reanudan las labores de búsqueda de un hombre…