Ertzaintzako agenteek gazte bat atxilotu dute gaur, osteguna, goizean, beste pertsona batekin batera, eta horri ere eginbideak ireki dizkiote ikertu gisa, joan den hilean Barakaldon, tren-bagoi batean zihoan bidaiari bati, beldurra erabiliz egindako lapurreta batean parte hartzeagatik. Atxilotua Trapagarango eraikin abandonatu batean aurkitu dute.
Otsailaren 9an, goizeko lehenengo orduan, bi pertsona une horretan tren-bagoi batean bakarrik zihoan gazte batengana hurbildu ziren Barakaldoko eta Sestaoko geltokien artean, eta bere gauzak emateko eskatu zioten. Beldurrarazi ondoren, dokumentazioa eta bankuko txartelak zituen diru-zorroa eta telefono mugikorra kendu zizkioten, eta, jarraian, handik alde egin zuten.
Lapurretaren berri izan ondoren, Sestaoko Ertzain-etxetik zegokion ikerketa hasi zuten, eta ustezko bi lapurrak identifikatzea lortu zuten.
Gaur goizean, Ertzaintzako agenteek Trapagarango suhiltzaileen eraikin zaharrean aurkitu dute horietako bat, eta beldurra erabiliz lapurreta egitea leporatuta atxilotu dute. Lekuan beste hogei bat pertsona zeuden, eta guztiak identifikatu dituzte. Horietako batzuek bilatzeko aginduak zituzten indarrean bizilekua eta egonlekua zehazteko, eta bete egin dituzte. Gainera, beste pertsona bat ustezko iruzur-delitu batengatik ikertu du esku-hartzean parte hartu duen Udaltzaingoak.
Atxilotua, 18 urtekoa, Epaitegira eramango dute polizia-eginbideak amaitu ostean.
Aurrekariak indarkeria erabiliz egindako beste lapurreta batengatik
Barakaldoko lapurretan parte hartu zuten bi pertsona horiei joan den hilean eginbideak ireki zizkieten, ikertu gisa, egun horretan bertan Ortuellan, Uriosteko geltokian, gertatutako antzeko beste egitate batengatik. Kasu horretan, biktimari telefono mugikorra kendu zioten indarkeriaz. Ortuellako Udaltzaingoaren laguntzaz, bi egileak identifikatu zituzten.
Ertzaintzako eta Donostiako Udaltzaingoko agenteek 64 urteko gizon bat atxilotu dute gaur eguerdian Gipuzkoako hiriburuan,…
Ertzaintzak hiru pertsona atxilotu ditu, heldu bat eta bi adingabe, Arabako hiriburuan, estortsio-delitu bat egotzita.…
Ertzaintzako agenteek 40, 21 eta 20 urteko hiru gizon atxilotu zituzten bart Gasteizen, Alde Zaharrean…
Ertzaintzak 28 urteko gazte bat atxilotu du Arabako hiriburuan, joan den astean bikotekide ohiari sexu-erasoa…
Atxilotuak iruzurrezko beste bi salmenta egin zituen saltoki berean joan den hilean Gizon bat atxilotu…
Ertzaintzako agenteek gizon bat atxilotu dute Arabako hiriburuan edadeko emakume bati poltsa lapurtzeagatik. Emakumeak joan-etorriak…