Ertzaintzak gizon bat atxilotu du Aian osasun publikoaren aurkako delitu bat leporatuta, bere jabetzako pabiloi batean substantzia sorgorgarriak atzeman ondoren.
Atzo, osteguna, Urola-Kostako Ertzain-etxeko baliabide batzuk Gipuzkoako herri horretako industria-pabiloi batera joan ziren, ustezko droga-salerosketari buruzko informazioa jaso ondoren.
Agenteek bi ibilgailu eta industria-nabe batean objektu batzuk sartzen ari ziren bi gizon aurkitu zituzten.
Agenteek bi gizonak identifikatu zituzten eta, jarraian, identifikatuetako batekin, pabiloiaren jabearekin, batera, barrualdea miatu zuten, eta hogeita hamar gramo ketamina baino gehiago eta lau gramo kokaina zituen maletatxo bat eta hogei gramo haxix zituen tuper bat aurkitu zituzten. Substantzia horiez gainera, bost doitasun-balantza eta eskudirua ere aurkitu zituzten.
Pabiloira drogak detektatzen adituak diren Ertzaintzaren Txakur Unitateko txakurrak ere eraman zituzten, eta bigarren miaketa batean, berogailu elektriko baten hondo bikoitzean ezkutatuta, hauts marroi baten 185 gramo eta hogeita sei gramo pilula aurkitu zituzten.
Horren aurrean, lokalaren jabea osasun publikoaren aurkako delitu bat leporatuta atxilotu zuten. Atxilotua polizia-egoitzara eraman zuten beharrezko eginbideak hasteko, eta, horiek amaitutakoan, agintari judizialaren eskuetan jarriko dute.
Ertzaintzako agenteek 29 eta 25 urteko bi gizon atxilotu dituzte gaur goizaldean Lemoan, bertako Kultur…
Ertzainek 21 urteko gizon bat atxilotu zuten atzo, astelehena, gauean, Donostian, indarra erabiliz lapurreta egitea…
En estos momentos el lehendakari, Imanol Pradales, y la diputada general de Gipuzkoa, Eider Mendoza,…
Datorren astean, maiatzaren 15etik 18ra itsasoa protagonista izango da gure herrian. Itsas ondareari buruzko “Hondarribia…
Marta Oronoz Biurrarenak eta Peru Txintxurreta Ostolazak Pauso Berriak diploma eman diote Hondarribiko Udalari adimen-desgaitasuna…
Bigarren urteurrena dugu Garapen Jasangarrirako eta Elkartasun Globalerako Lankidetzaren Legea onartu zenetik —arau horrek adostasun…