Gobernu Kontseiluak datozen egunetan Gauzatu Industria programa aktibatzeko tramiteak abian jartzea onartu du. Programa horren bidez, oinarri teknologikoko euskal ETEek eta/edo ETE berritzaileek 28 milioi euro eskuratu ahal izango dituzte aurten aurrerakin itzulgarrietan, dela sortzeko, dela garatzeko.
SPRI – Enpresa Garapenerako Euskal Agentziak kudeatzen duen Industria, Trantsizio Energetiko eta Jasangarritasun Sailaren programa honek aurreeskaera egiteko aukera ematen du urtarriletik, eta enplegua sortzea du helburu nagusietako bat. Gauzatu Industria 2025eko Industriarentzako Laguntza Planaren barruan dago, eta 500 milioi eurorainoko zuzkidura du, industria gehiago, industria hobea eta emisio gutxiago lortzeko helburu hirukoitza bultzatzeko
Gauzatu programan sar daitezke erauzketako, eraldaketako, produkzioko eta produktu-prozesu industrialari lotutako zerbitzuetako ETE industrialak, baldin eta oinarri teknologikokotzat eta/edo berritzailekotzat jotzen badira, baita jarduera nagusia IT/OT (Information Technology/Operational Technology) inguruneetarako zibererasoetatik babesteko sistemak industria-enpresetan bateratzea eta integratzea duten enpresak ere.
Adierazi denez, babesak itzulgarri beharreko laguntzak dira, inbertsioaren % 35erainokoak, eta gehienez 200.000 eurokoak sortutako enplegu bakoitzeko edo 150.000 eurokoak hasierako plantilla mantentzeko. Laguntza horiek bost urtetan itzuli beharko dira, eta ezingo dira 1.500.000 eurotik gorakoak izan enpresa bakoitzeko.
Azken bost urteetan Eusko Jaurlaritzak 140 milioi inbertitu ditu Gauzatu Industria programan, eta horrek 642 milioiko inbertsioak eta 3.632 enplegu sortzea edo mantentzea eragin du. Eta, iaz bakarrik, laguntzara bideratutako 28 milioiek 162,5 milioiko inbertsio enpresariala eta 870 lanpostu sortu zituzten.
2000tik 2024ra bitartean, Gauzatu Industriara bideratutako 677 milioi euro publikoek lortu dute oinarri teknologikoa eta/edo berritzailea duten ETEek 2.887 milioi euro inbertitzea eta 18.565 lanpostu sortzea edo mantentzea.
25_0309 Bi atxilotu Portugaleteko ostalaritza-establezimendu batean lapurreta egiteagatik Bi atxilotu Portugaleteko ostalaritza-establezimendu batean lapurreta egiteagatik…
Ertzaintzak tren batetik deskuiduan ustez bi maleta lapurtu zituen gizona atxilotu zuen atzo Zumarragan. Atzo,…
El pasado sábado el Lehendakari presidió, junto a la consejera de Justicia y Derechos Humanos, María Jesús…
Un joven de 21 años de edad fue detenido el pasado sábado en Irun después…
El pasado jueves se produjo una nueva agresión sexual en la capital guipuzcoana. Los hechos…
Ayer se celebró el derbi en el Reale Arena, un partido sin goles pero que…