Uztailaren 12ra arte www.martxup.eus web orrian aurkeztu daitezke proiektuak
MartxUp! 2025 programan ideiak eta proiektuak aurkezteko epea ireki da uztailaren 12a arte. Donostiar gazteen ideiak landu eta horiek garatzen laguntzeko helburua du ekimenak; gazteak hiriko gizarte, kultura eta ekonomian era aktiboan ekitera bultzatzeko.
Proiektuak aurkezteko oinarriak
- Parte hartzeko eskaera www.martxup.eus orrialdean aurkeztu behar da.
- Deialdian 18 urtetik 30 urtera bitarteko gazteek parte hartu ahal dute banaka nahiz taldeka.
- Proiektuak hautatuak izanez gero, bi eta lau pertsona arteko taldetan landu beharko dira.
- Parte hartu ahal izateko, taldekideetako batek, gutxienez, donostiarra izan beharko du.
- Jarduera eremua askea izango da, eta ez da esparru jakin batera mugatuko, betiere proiektu baztertzaileak eta diskriminatzaileak ez badira.
MartxUp!-eko epaimahaiak proiektuen balorazioan kontuan hartzen dituen irizpideak dira bideragarritasuna, originaltasuna eta berrikuntza eta zehaztapen maila.
FormazioaGarapen fasea prozesuaren fase garrantzitsuena da; izan ere, proiektu bakoitzaren zehazte eta lanketa sakonago bat egin eta proiektu-kideek proiektuaren erronken araberako formazioa jasoko dute, proiektua berauek aurrera eraman ahal izateko. Proiektuen garapena eta prototipoak berariazko ikuskapen teknikopean sortuko dira garapen fasean. Fase hau bost tailer desberdinetan banatuko da, eta Mondragon Unibertsitatea arduratuko da formazioa emateaz eta tutorizazio lanak aurrera eramatearekin.
Fase honen helburu nagusia proiektuak zehaztu, akzio plan bat burutu eta saretze prozesua hastea da, proiektua abian jarriz.
Garapen fasea urria eta abendua bitartean izango da. Aldi hori amaitu ondoren, exekuzio fasea egongo da, proiektuak 2026 urtean zehar garatu beharko direlarik.