Elikadura, Landa Garapen, Nekazaritza eta Arrantza Sailak nekazaritzako eta elikagaigintzako produktuak eraldatzeko laguntzen deialdia egingo du

«Lehiatu» programan 15.111.047 euro

Elikadura, Landa Garapen, Nekazaritza eta Arrantza Sailak 15,1 milioi euro bideratuko ditu «Lehiatu» programan nekazaritzako eta elikagaigintzako produktuak eraldatzeko, merkaturatzeko eta garatzeko laguntzetara. Laguntzen deialdiak 15.111.047,00 euroko zuzkidura du, eta horietatik FEADER funtsaren kargura 2.861.047 euro eta Euskadiko Aurrekontuen kargura 12.250.000 euro.

Leihatu Inbertsioaren helburua nekazaritzako eta elikagaigintzako produktuak eta arrantzatik eta akuikulturatik eratorritako produktuak eraldatzeko, merkaturatzeko eta garatzeko laguntzak ematea da. Laguntzak inbertsio-programa bati egokituko zaizkio, urtekoa edo, salbuespen gisa, urte anitzekoa, aurkeztutako proiektuak gauzatzeko aldiaren arabera.

Nekazaritzako eta elikagaigintzako produktuak eta arrantzatik eta akuikulturatik eratorritako produktuak eraldatzeko, merkaturatzeko eta garatzeko laguntzak dira Leihatu Inbertsioa programaren helburuak. Laguntzak inbertsio-programa bati egokituko zaizkio. Programa hori urtebetekoa izan daiteke edo, salbuespenez, urte anitzekoa, aurkeztutako proiektuak egikaritzeko aldiaren arabera.

Lehiatu Inbertsioa programak bost laguntza-lerro ditu:

1. Nekazaritza-produktuak eraldatzeko, merkaturatzeko eta/edo garatzeko inbertsioak egiteko laguntzak.
2. 2. Baso-produktuak eraldatu, merkaturatu eta/edo garatzeko inbertsioak egiteko laguntzak.
3. Arrantzako eta akuikulturako produktuak eraldatzeko, merkaturatzeko eta/edo garatzeko inbertsioak egitea.
4. Euskal Autonomia Erkidegoko nekazaritza eta elikagaigintza industrietan elikagai ekologikoak eraldatzeko, merkaturatzeko eta/edo garatzeko inbertsioak egiteko laguntzak. Laguntza hauek ezin dira metatu oinarri honetako aurreko ataletan aipatutako laguntzekin.
5. Euskal Autonomia Erkidegoko nekazaritza- eta elikagaigintza-industrietan proiektuak egiteko laguntzak, aurreko paragrafoetan sartzen ez direnak.

Proiektu horietan, nekazaritzako, arrantzako, akuikulturako, ur mineral naturaletako, edari ez-alkoholdunetako edo nekazaritza-produktuetatik (ardotik izan ezik) hartzitutako edarien konbinazio bat jatorri duten elikagaiak lortzeko inbertsioak jasoko dira.