Ariketa Donostiako merkataritza-gune batean egin da, su-arma luze bat eta beste labur bat zeraman eta saltoki-guneko bezero eta langileei tiro egin dien terrorista baten erasoa simulatuz, hori guztia era horretako gertaera kritikoen aurrean erantzuna hobetzeko helburuarekin.
Gaur goizaldean, Ertzaintzak simulakro bat egin du, eta bertan terrorista batek su-arma luze batekin eta beste labur batekin merkataritza-gune bateko erabiltzaileei eta langileei tiro egin diela simulatu da, herritarren babeserako agenteak prestatzeko helburu nagusiarekin, horrelako gertakarien aurrean bertara joaten lehenak izango liratekeenez.
Ariketan Donostiako Ertzain-etxeko herritarren babeserako patruilek, Brigada Mugikorreko PRI-Bizkorreko agenteek eta Esku Hartzeko Unitateko agenteek parte hartu dute, merkataritza-guneko segurtasun-langileekin batera, koordinatuta jardunez horrelako gertakari kritikoei ahalik eta erantzunik eraginkorrena emateko.
Ertzaintzak prestakuntza teoriko egokiak egiten ditu horrelako eraso batean inplikatuta egon daitezkeen unitateetako baliabideekin, gertakari kritiko horiek ahalik eta modu eraginkorrenean konpontzean, poliziaren erantzuna hobetzeko helburuarekin. Horrelako simulakroekin ezagutza teoriko guztiak praktikan jarri nahi izaten dira, ahalik eta egoera errealistenean.
Horregatik, bart egindako ariketan parte hartu duten agenteek aurretik eskuratutako ezagutza teorikoak praktikan jarri ahal izan dituzte ingurune erreal batean, urtean milioika bisitari izaten dituen merkataritza-gune batean.
Simulakroa eraginkortasunez egin da, eta egiaztatu da parte hartu duten unitate guztien eta merkataritza-guneko segurtasunaz arduratzen den segurtasun pribatuaren arteko koordinazio-mekanismoek bikain funtzionatu dutela, ezagutza tekniko-polizialak gauzatuz eta larrialdia neutralizatzea lortuz.
Jaitsi Ertzaintzaren bozeramaile David Villaren adierazpenak
Jaitsi Ertzaintzaren Bozeramaile David Villaren adierazpenen audioa
Ertzaintzak, Oñatiko Udaltzaingoaren laguntzarekin, 51 urteko gizon bat atxilotu du, joan den ostiralean udalerri horretan…
Ertzainek 22 urteko gizon bat atxilotu dute lesio-delitua leporatuta, antza denez labana batekin eraso egin…
Maria Chivite Navascués Nafarroako Lehendakariak 2026ko Gazteriaren Sarien banaketan parte hartu du asteazken honetan, eta…
Lurralde Kohesiorako Departamentuak, Toki Administrazioaren eta Despopulazioaren Zuzendaritza Nagusiaren bitartez, jada argitaratu ditu Nafarroako toki-erakundeetako…
La vicepresidenta segunda y consejera de Memoria y Convivencia, Acción Exterior y Euskera, Ana Ollo,…
Hezkuntza Departamentuak gaur argitaratu du Castejongo DBHI handitzeko proiektua idazteko eta obrak zuzentzeko lizitazioa, gehienez…