25_0406 Abadiñon atxilotu dute etxebizitza batean lapurreta egiten saiatzeagatik
Servicio de prensa
2025-06-13
Ertzainek, Udaltzaingoarekin lankidetzan, 30 urteko gizon bat atxilotu zuten atzo, osteguna, arratsaldeko lehenengo orduan, Abadiñon, leiho batetik sartuta etxebizitza batean lapurreta egiten saiatzen harrapatu ondoren.
Atzo arratsaldeko hiru eta erdiak aldera, poliziaren laguntza eskatu zuten Abadiñoko etxebizitza batean, jakitera eman zutenez, lapurreta egiten saiatu baitziren. Dirudienez, pertsona batek eraikineko fatxada eskalatu zuen eta lehenengo solairuko leiho bateraino iristea lortu zuen, eta bertatik etxebizitza batean sartzen saiatu zen. Harrapatu egin zutela konturatu zenean, gizonak amore eman zuen eta presaka ihes egin zuen.
Gertaeraren berri izan zuenean, Durangoko Ertzain-etxeko patruila bat bertaratu zen eta agenteek gertatutakoa egiaztatu zuten. Agenteek jakin zuten Udaltzaingoaren dotazio batek inguruan atzeman zuela ustezko lapurraren ezaugarri fisikoekin bat zetorren pertsona bat. Susmagarria identifikatu egin zuten eta, beharrezko egiaztapenak egin ondoren, eskalatze bidez etxebizitza batean lapurreta egiten saiatzea leporatuta atxilotu zuten.
Atxilotua, 30 urtekoa, Ertzaintzaren egoitzara eraman zuten beharrezko eginbideak betetzera, agintari judizialaren eskuetan jarri aurretik.
Ertzaintza ELSA UPV/EHU (The European Law Students’ Association) elkarteak antolatu dituen Kriminologiari buruzko III. Jardunaldietan…
26_0308 Bi gizon atxilotu dituzte Foruan Kortezubiko Udalaren lokal batean kablea lapurtzeagatik Bi gizon atxilotu…
Ertzainek 41 urteko gizon bat atxilotu dute Gipuzkoako hiriburuko etxe batean lapurreta egitea leporatuta. Atxilotuak…
Atzo eguerdian, Ertzaintzak bi gizon atxilotu zituen Bizkaiko hiriburuan, etxebizitza batean indarrez lapurreta egitea leporatuta.…
El fervor por el título copero de la Real Sociedad ha llegado hasta el mercado…
La red de carreteras de Gipuzkoa cuenta desde esta semana con un nuevo dispositivo de…