Ertzaintzak 18 urteko gazte bat atxilotu du Gasteizen, adineko emakume bati indarrez tira eginda urrezko katea kendu ondoren.
Atzo, asteartea, 11:30 aldera, Gasteizko Sansomendi auzoko kale batean taka-taka baten laguntzaz oinez zihoan emakume bati gazte bat hurbildu zitzaion atzetik, eta indarrez tira eginda lepoan zeraman urrezko katea kendu zion.
Lekura hurbildu ziren Ertzaintzaren baliabideek lehenengo laguntza eman zioten biktimari, eta gertatutakoari buruzko informazioa bildu zuten.
Handik minutu batzuetara, ertzainek inguruan aurkitu zuten biktimak eta lekukoek emandako deskribapenarekin guztiz bat zetorren gazte bat. Inplikatuari egindako miaketan, oinetako baten barruan aurkitu zioten emakumearen urrezko katea, domina eta guzti.
Horren aurrean, 18 urteko gaztea indarkeria erabiliz lapurreta egitea leporatuta atxilotu zuten, eta, ondoren, polizia-egoitzara eraman zuten beharrezko eginbideak betetzera. Horiek amaitu ondoren, atxilotua agintari judizialaren eskuetan jarriko dute.
Biktima, bestalde, Txagorritxu ospitalera eraman zuten lesioak sendatzera.
25_0434 Gasteizen beste gizon bati arma zuri batekin ustez eraso egin dion gizona atxilotu dute…
Plazaolako Bide Naturala irisgarriagoa da pertsona guztientzat Irurtzun eta Leitza arteko lau zatitan, azken hilabeteetan…
Nafarroako Gobernuak 2024ko Kontu Orokorrei buruzko Foru Legearen proiektua onartu du, eta Nafarroako Parlamentura igorri,…
Martzillako ‘Marqués de Villena’ Bigarren Hezkuntzako Institutua handitzeko eta eraberritzeko obren kontratua finantzatzeko, hainbat urtetarako gastu-konpromisoa…
Gobernuak baimena eman dio Hezkuntza Departamentuari urte anitzeko 6.869.082 euroko gastu-konpromisoa hartzeko, Nafarroako Foru Komunitateko…
Nafarroako Gobernuak baimena eman du, gaurko bilkuran, Ribaforada herrian 2025 eta 2026 artean ureztatzea modernizatzeko…