Bermeon bi pertsona ikertu dituzte substantzia sorgorgarrien trafikoagatik, bikote-gatazka bat izan ondoren

Bermeon bi pertsona ikertu dituzte substantzia sorgorgarrien trafikoagatik, bikote-gatazka bat izan ondoren

Ertzaintzak eginbideak ireki dizkie, ikertu gisa, 31 urteko gizon bati eta 27 urteko emakume bati, osasun publikoaren aurkako delitu batengatik, Bermeon, haien etxean, kokaina eta haxixa atzeman ondoren. Bi pertsona horiek aurretik bikote-gatazka bat izan zuten, eta Ertzaintzaren baliabideak bien artean bitartekotza egitera joanda zeuden.

Eginbideak irekitzea eragin zuten egitateak igande gauean gertatu ziren bi pertsonak elkarrekin bizi diren etxean. Ertzaintzari bertaratzeko eskatu zioten elkarbizitza-arazoak zituztelako, gizonak oso jarrera oldarkorra baitzuen.

Etxeko bizilagunekin hizketan ari zirenean, bertaratu ziren agenteek etxebizitzan substantzia sorgorgarriekin trafikatzen ari zitezkeela adierazten zuten ebidentziak hauteman zituzten. Gizona aztoratuta zegoela ikusita, agenteek anbulantzia bat eskatu zuten ospitalera eramateko, eta prebentziozko gorputz-miaketa egin ziotenean, 1.500 euro inguru aurkitu zizkioten. Agenteek etxebizitza ere zaindu zuten eta, agintari judizialari egoeraren berri eman ondoren eta zegokion baimenarekin, Gernikako Ertzain-etxeko agenteek etxebizitzan sartu eta miaketa egin zuten. Miaketan 100 bat gramo kokaina eta haxix-kopuru txiki bat aurkitu zituzten poltsatxotan banatuta, bai eta doitasun-balantza bat eta dosiak edo paketeak prestatzeko erabili ohi diren beste hainbat elementu ere.

Eginbideez arduratu diren agenteek agintaritza judizial eskudunaren eskuetan utzi dituzte.